The news is by your side.

Advertisement

دنیا بھر سے سفیروں کے وزیر اعظم پاکستان کی جلد شفا یابی کے ٹوئٹس

اسلام آباد: وزیر اعظم عمران خان نہ صرف پاکستان میں بے حد مقبول ہیں بلکہ دنیا بھر کے رہنماؤں میں پسندیدہ شخصیت کا اعزاز رکھتے ہیں، آج ان کا کرونا ٹیسٹ مثبت آ گیا تھا جس پر دنیا بھر کے سفرا کی جانب سے ان کی جلد شفا یابی کے لیے ٹوئٹس سامنے آنے لگے ہیں۔

پاکستان کے لیے یورپی یونین کی سفیر اندرولا کامینارا نے ٹوئٹ کیا کہ ہم وزیر اعظم عمران خان کی جلد صحت یابی اور اچھی صحت کے لیے دعاگو ہیں۔

برطانوی ہائی کمشنر کرسچین ٹرنر نے ٹوئٹ کیا، ہم وزیر اعظم عمران خان کی صحت یابی اور شفا کے لیے دعا گو ہیں۔

پاکستان میں فرانسیسی سفارت خانے نے پیغام جاری کیا کہ پاکستانی وزیر اعظم کی جلد اور مکمل صحت یابی کے لیے دعا گو ہیں۔ پاکستان میں امریکی سفارت خانے نے بھی پیغام دیا کہ وزیر اعظم عمران خان کی جلد صحت یابی کے لیے دعاگو ہیں۔

جرمن سفیر برنہارڈ شلاگیک نے ٹوئٹ کیا وزیر اعظم عمران خان کی جلد صحت یابی کے لیے دعاگو ہیں، میری نیک تمنائیں وزیر اعظم اور اہل خانہ کے ساتھ ہیں۔

سری لنکن وزیر نمل راجا پکسکا نے ٹوئٹ کیا میری دعائیں اور نیک خواہشات وزیر اعظم عمران خان کے ساتھ ہیں، دعا ہے وزیر اعظم عمران خان جلد صحت یاب ہوں۔

پاکستان میں ڈنمارک کی سفیر لِس روزن ہوم نے ٹوئٹ کیا کہ کرونا وبا ایک جنگ ہے جو ہم سب لڑ رہے ہیں، وزیر اعظم کی جلد صحت یابی کے لیے میری دعائیں ان کے ساتھ ہیں۔

واضح رہے کہ پڑوسی ملک بھارت کے وزیر اعظم نریندر مودی نے بھی ٹوئٹ کیا ہے، انھوں نے ٹوئٹ میں وزیر اعظم پاکستان کے لیے دعا اور نیک خواہشات کا اظہار کیا۔

Comments

یہ بھی پڑھیں