ہالی وڈ کے معروف اداکار جونی ڈیپ کی سابقہ اہلیہ امبر ہرڈ کا چہرہ دنیا کا خوبصورت ترین چہرہ قرار دیا گیا ہے۔
غیر ملکی میڈیا رپورٹس کے مطابق امبر ہرڈ کے چہرے کا جائزہ لینے کے لیے ایک خفیہ یونانی فارمولے کا انتخاب کیا گیا۔ اس میں اداکارہ کی پیشانی، آنکھوں، ناک اور ہونٹوں سمیت چہرے کی پیمائش کی گئی۔
اس کے لیے امبر ہرڈ کی 2016 کی ایک تصویر کا انتخاب کیا گیا جس میں فارمولے کے مطابق خوبصورتی کا تناسب 91 اعشاریہ 85 فیصد رہا۔
یونانی فارمولے کے تحت معروف امریکی ماڈل کم کارڈیشین کے چہرے کا بھی جائزہ لیا گیا اور ان کی خوبصورتی کا تناسب 91 اعشاریہ 39 فیصد رہا۔
اداکارہ امبر ہرڈ جونی ڈیپ کی سابقہ اہلیہ ہیں اور حال ہی میں انہیں سابق شوہر کی جانب سے دائر کیے گئے ہتکِ عزت کیس میں شکست ہوئی ہے۔
اپنے حالیہ انٹرویو میں امبر ہرڈ نے کیس میں شکست کے باوجود جونی ڈیپ سے محبت کا اظہار کیا۔ ان کا کہنا تھا کہ میں جونی سے اب بھی سچے دل سے محبت کرتی ہوں، ہمارے ٹوٹ پھوٹ کے شکار رشتے کو بچانے کی ہر ممکن کوشش کی۔
امبر ہرڈ نے کہا تھا کہ جونی ڈیپ کے لیے میری سوچ کبھی منفی نہیں رہی اور نہ مستقبل میں انہیں بُرا بھلا کہوں گی۔
Johnny Depp better get an RO real soon. Amber Heard saying she still loves him is like watching a horror movie. This is seriously disturbing!! #AmberHeardIsALiar #AmberHeardlsApsychopath pic.twitter.com/5YoL3S0q07
— Courts 🖤 (@JohnnyasR) June 15, 2022
