تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

میں آئی ٹی کا وزیر نہ رہا تو آپ بھی خزانہ کے وزیر نہیں رہیں گے، امین الحق کی ڈار کو تنبیہہ

وفاقی وزیر انفارمیشن ٹیکنالوجی امین الحق کراچی میں منعقدہ ایک تقریب کے دوران وزیر خزانہ اسحاق ڈار پر برس پڑے اور کھل کر تنقید کی۔

اے آر وائی نیوز کے مطابق متحدہ قومی موومنٹ سے تعلق رکھنے والے پی ڈی ایم کی اتحادی حکومت میں وفاقی وزیر برائے انفارمیشن اینڈ ٹیکنالوجی امین الحق نے کراچی میں منعقدہ ایک تقریب سے خطاب کرتے ہوئے وزیر خزانہ اسحاق ڈار کو کڑی تنقید کا نشانہ بنایا اور کہا کہ کراچی میں تلخ باتیں بھی کروں گا، وزیر خزانہ اپنے رویے کو تبدیل کریں، اگر میں وزیر آئی ٹی نہ رہا تو آپ بھی وزیر خزانہ نہیں رہیں گے۔

امین الحق نے کہا کہ وزیر خزانہ اسحاق ڈٓر وزیراعظم کی ہدایت پر عمل کریں اور اپنی ہٹ دھرمی ختم کریں، میں ٹیلی کام سیکٹر کے ساتھ کھڑا ہوں۔

وفاقی وزیر نے مزید کہا کہ جب موبائل فون کی مینوفیکچرنگ پر کام شروع کیا گیا تو پہلے لالچ پھر دھمکیاں دی گئیں، دھمکیوں کی پروا نہیں کی اور آج موبائل مینوفیکچرنگ شروع ہوچکی۔

Comments

- Advertisement -