نوشہرہ: جماعت اسلامی کے امیر سراج الحق کا کہنا ہے کہ اسٹیٹس کو اور اس نظام کے خلاف کھڑے ہونے کا وقت آگیا، ہمیں حکومت ملی تو نوجوانوں کو بلا سود قرضے اور 70سالہ خواتین کو بڑھاپا الائونس دیں گے، خواتین کو وراثت میں حصہ نہ دینے والوں کے خلاف کارروائی کریں گے۔
نوشہرہ میں عوامی اجتماع سے خطاب کرتے ہوئے امیر جماعت اسلامی سراج الحق نے کہا کہ وقت آگیا ہے کہ قوم اس نظام اور اسٹیٹس کو کے خلاف اٹھ کھڑی ہو،تبدیلی کا نعرہ لگ رہا ہے لیکن تبدیلی اسلامی ہونی چاہیے امریکی نہیں۔
قبل ازیں ایک اور تقریب میں خطاب کرتے ہوئے امیر جماعت اسلامی کا کہنا تھا کہ ہمیں حکومت ملی نوجوانوں کو بلاسود قرضے فراہم کریں گے اور سترسال کی خواتین کو بڑھاپا الاؤنس دیں گے۔ اس تقریب میں خواتین کی بڑی تعداد موجود تھی۔
ساتھ ہی انہوں ںے یہ بھی کہا کہ خواتین کو وراثت میں حصہ ملنا ان کا حق ہے ، حصہ نہ دینے والوں کے خلاف کارروائی کریں گے۔
