اسلام آباد: وفاقی حکومت نے معلومات تک رسائی ایکٹ 2017 میں ترمیم کر دی۔
تفصیلات کے مطابق وزیر اعظم شہباز شریف نے معلومات تک رسائی کے دو ہزار سترہ کے ایکٹ میں ترمیم کی منظوری دے دی، جس کے بعد اسٹیبلشمنٹ ڈویژن نے نوٹیفکیشن جاری کر دیا ہے۔
ترمیم کے تحت اسٹیبلشمنٹ ڈویژن اور فیڈرل پبلک سروس کمیشن کا ریکارڈ معلومات تک رسائی ایکٹ سے خارج کر دیا گیا۔
نوٹیفکیشن میں کہا گیا ہے کہ معلومات تک رسائی ایکٹ کا اطلاق سی ایس ایس امتحان کے ریکارڈ اور دستاویزات پر نہیں ہوگا۔
خیال رہے کہ وزیر اعظم نے بطور انچارج وفاقی وزیر اسٹیبلشمنٹ ڈویژن ایکٹ میں ترمیم کی منظوری دی۔
