امریکا کی پشت پناہی میں اسرائیل کی جانب سے غزہ، لبنان اور شام میں خون کی ہولی کھیلنے کا سلسلہ جاری ہے، ایسے میں ایران میں مخصوص اہداف کو نشانہ بنانے پر اسرائیل کو امریکا کی جانب سے مراعات دینے کا فیصلہ کیا گیا ہے۔
اسرائیلی اخبار کی رپورٹ کے مطابق اسرائیل پر واضح کیا گیا ہے کہ اگر وہ اہداف اے، بی یا سی کو نشانہ نہ بنائے تو امریکا اسے مراعات دے گا۔
رپورٹس کے مطابق اسرائیل پر یہ بھی واضح کردیا گیا ہے کہ ایران میں قابل قبول اہداف کو نشانہ بنانے پر اسرائیل کو سفارتی تحفظ اور فوجی پیکیج بھی دیا جائے گا۔
دوسری جانب حزب اللہ کی جانب سے اسرائیلی ساحلی شہر حیفا کو راکٹوں سے نشانہ بنایا گیا ہے، جس کے نتیجے میں 10افراد زخمی ہونے کی اطلاعات ہیں۔
ایران کا القدس فورس کے سربراہ اسماعیل قاآنی سے رابطہ منقطع، خبر ایجنسی
اسرائیلی میڈیا کا اس حوالے سے کہنا ہے کہ اسرائیلی فضائی دفاعی نظام حیفا پر راکٹ حملہ روکنے میں ناکام رہا، اسرائیلی فوج کا کہنا ہے کہ لبنان سے داغے گئے راکٹ مار گرانے میں ناکامی کی تحقیقات شروع کردی گئی ہیں۔
