The news is by your side.

Advertisement

واشنگٹن : برصغیر القاعدہ عالمی دہشت گردوں کی فہرست میں شامل

واشنگٹن : امریکا نے القاعدہ برصغیر اور اس کے رہنما عاصم عمر کو عالمی دہشت گردوں کی فہرست میں شامل کرنے کا اعلان کر دیا ہے.

تفصیلات کے مطابق واشنگٹن میں امریکی محکمہ خارجہ کی جانب سے جاری کردہ اعلامیہ کے مطابق امریکی افراد یا اہلکار القاعدہ برصغیر یا عاصم عمر کے ساتھ کسی قسم کے روابط نہیں رکھ سکتے.

امریکی محکمہ خارجہ کے مطابق القاعدہ کے برصغیر ونگ کا اعلان ایمن الظواہری نے ستمبر 2014 میں کیا تھا جبکہ اس کا رہنما عاصم عمر حرکت المجاہدین کا حصہ بھی رہ چکا ہے.

یاد رہے کہ القاعدہ برصغیر نے ستمبر 2014 میں کراچی نیول ڈاک یارڈ پر حملے کی ذمہ داری قبول کی تھی یہی تنظیم بنگلہ دیش میں لکھاریوں اور امریکی شہری کے قتل میں بھی ملوث ہے.

Print Friendly, PDF & Email

Comments

comments

یہ بھی پڑھیں