فلوریڈا+لوزیانہ: امریکا میں فائرنگ کے دو واقعات میں تین پولیس اہلکار اور دو خواتین جاں بحق ہوگئیں۔
پہلے واقعے میں ایک مسلح شخص نے نجی اسپتال میں گھس کر فائرنگ کرکے دو خواتین مریض اور ملازم کو قتل کردیا،پولیس نے حملہ آور کو حراست میں لےلیا۔
خبر رساں ادارے کے مطابق واقعہ اتوار کی صبح اسپتال کی تیسری منزل پر پیش آیا، اسپتال کینیڈی اسپیس سینٹر کے نزدیک واقع ہے جب کہ پولیس کا کہنا ہے کہ جاں بحق دونوں افراد خواتین ہیں، اسپتال کے دو سیکیورٹی گارڈز نے ملزم کو پکڑاجس کے دیگر افراد کی جانیں بچانے میں مدد ملی۔
پولیس نے جاں بحق خواتین اور حملہ آورکے ناموں سے میڈیا کو آگاہی فراہمی نہیں کی،حملے کے بعد کچھ گھنٹوں بند رہنے والا اسپتال دوبارہ کھل گیا ہے، پولیس واقعے سے متعلق جلد میڈیا کو آگاہی فراہم کرے گی۔
امریکی میڈیا کے مطابق دوسرا واقعہ ریاست لوزیانا میں پیش آیا جہاں بیٹن روگ شہر میں تین پولیس اہلکاروں کو فائرنگ کر کے ہلاک کر دیا گیا ۔امریکی میڈیا کو فائرنگ کے واقعے کی تفصیلات نہ مل سکیں تاہم پولیس حکام کے مطابق صورتحال کنٹرول میں ہے۔
پولیس حکام نے کہا ہے کہ صورتحال پر قابو پالیا گیا ہے لیکن اس کے ساتھ انھوں نے شہریوں کو گھروں سے باہر نہ نکلنے کی تاکید کی ہے۔
یاد رہے کہ حال ہی میں پولیس کے ہاتھوں شہر میں ایک سیاہ فام شخص کی ہلاکت کے بعد بڑے پیمانے پر احتجاجی مظاہرے ہوئے تھے، امریکی شہر ڈیلس میں پولیس کے ہاتھوں دو سیاہ فام افراد کی ہلاکت کے خلاف احتجاجی مظاہرے کے دوران فائرنگ کر کے پانچ پولیس اہلکاروں کو ہلاک کر دیا گیا تھا۔
