واشنگٹن : امریکی صدارتی الیکشن میں مسلمان ووٹروں نے بڑھ چڑھ کرحصہ لینے کا فیصلہ کیا ہے۔ نوجوان ووٹروں نے بڑی تعداد میں ووٹنگ لسٹوں میں ناموں کا اندارج کرا لیا۔

تفصیلات کے مطابق امریکی صدارتی انتخابی مہم میں مسلمانوں کے خلاف کھلےعام تعصب کا مظاہرہ کیا گیا، جس کا جواب دینے کیلئے مسلم ووٹروں نے مقابلہ کرنے کا فیصلہ کرلیا ہے۔

امریکا میں اٹھارہ برس سے کم عمر مسلمانوں کے اندراج میں پہلی باراضافہ ہوا ہے۔ 18 برس سے کم عمرہزاروں امریکی مسلمان پہلی بار ووٹ ڈالیں گے۔

ریاست ٹیکساس کے شہر ہیوسٹن میں اب تک 16 ہزار کے قریب نئے ووٹر رجسٹر ہوئے ہیں۔ بی بی سی کی رپورٹ میں کہا گیا ہے کہ مذہبی تعصب کی وجہ سے مسلمان اپنی امریکی شناخت کو خطرے میں محسوس کر رہے ہیں اس لیے وہ انتخابی عمل میں بڑھ چڑھ کر حصہ لینا چاہتے ہیں۔

مزید پڑھیں : امریکی صدارتی انتخابات، ڈونلڈ ٹرمپ کو ریاست آئیوا میں شکست کا سامنا