کراکس: جنوبی امریکی ملک وینزویلا میں سیاسی حالات دگرگوں ہوگئے، خانہ جنگی کا خطرہ منڈلانے لگا.
تفصیلات کے مطابق وینزویلا میں سیاسی بحران شدت اختیار کر گیا. اپوزیشن لیڈر جوان گوائیڈو نے صدر نکولس مادورو کا تختہ الٹنے کے لیے صدراتی محل کی جانب پیش قدمی کی.
اس واقعے میں حکومت اور اپوزیشن کے درمیان شدید جھڑپیں ہوئیں، جن میں 69 افراد زخمی ہوگئے۔
خیال رہے کہ اپوزیشن لیڈر جوان گوائنڈو کو امریکی حمایت حاصل ہے اور وہ خود کو صدر قرار دے چکے ہیں.
صدر نکولس مادورو کی حکومت کا تختہ الٹنے کے لیے اپوزیشن کی تحریک میں شدت آنے سے خانہ جنگی کا خطرہ پیدا ہوگیا ہے.
جوان گوائنڈو کے ساتھ نہ صرف ان کے مسلح حامی موجود ہیں، بلکہ فوجیوں کی ایک بڑی تعداد بھی ان کی حمایت کر رہی ہے.
گوائیڈو نے اعلان کیا کہ انھیں فوج کی مکمل حمایت حاصل ہے، نکولس کی حکومت کا تختہ الٹنے کے لیے تحریک شروع ہوگئی ہے.
امریکا کیا سوچ رہا ہے؟
ادھر امریکا کی وینزویلا کے سیاسی حالات اور بحران پر پر گہری نظر ہے.
اس ضمن میں امریکی سیکریٹری آف اسٹیٹ نے ایک امریکی ٹی وی کو انٹرویو دیتے ہوئے وینزویلا میں فوجی کارروائی کاعندیہ دیا ہے.
مائیک پومپیو کی جانب سے کہا گیا ہے کہ امریکا ممکنہ طور پروینزویلا میں فوجی کارروائی کر سکتا ہے.
