امریکا میں مسافر طیارہ بال بال بچ گیا، مسافر طیارے نے ہیری ریڈ ایئرپورٹ پر ہنگامی لینڈنگ کی ہے۔
بین الاقوامی خبر رساں ادارے کی رپورٹ کے مطابق لاس ویگاس سے شارلٹ جانے والے طیارے میں فنی خرابی کے باعث جہاز کو پرواز کے 8 منٹ بعد اتار لیا گیا۔
رپورٹس کے مطابق سامنے آنیوالی ویڈیو میں طیارے کے انجن سے آگ کے گولے نکلتے اور دھماکے ہوتے ہوئے نظر آرہے ہیں۔
امریکی میڈیا کی رپورٹس کے مطابق پرواز اے اے 1665 میں 165 مسافر سوار تھے، واقعہ میں کوئی شخص زخمی نہیں ہوا۔
دوسری جانب بھارتی شہر احمد آباد میں حادثے کا شکار ہونے والے ایئر انڈیا کے طیارے کے انجن سے متعلق حیران کن انکشاف سامنے آگیا۔
انڈین میڈیا کے مطابق 12 جون 2025 کو احمد آباد میں ایئر انڈیا کی فلائٹ 171 ٹیک آف کے چند لمحے بعد حادثے کا شکار ہوئی، حادثے نے تفتیش کاروں کی توجہ طیارے کے دائیں طرف کے انجن کی طرف مبذول کروائی۔
طیارہ حادثہ کی تحقیقات کے دوران انکشاف ہوا ہے کہ ایئر انڈیا فلائٹ 171 کے انجن کو صرف تین ماہ قبل یعنی مارچ 2025 میں تبدیل کیا گیا تھا۔
تقریباً 12 سال پرانے بوئنگ 787-8 ڈریم لائنر کی آخری بار جون 2023 میں مینٹینس کی گئی جبکہ جانچ پڑتال کا اگلا شیڈول دسمبر 2025 میں تھا۔
احمد آباد میں پیش آئے طیارہ حادثے میں 241 مسافروں سمیت تقریباً 270 افراد ہلاک ہوئے جبکہ ایک برطانوی شہری واحد زندہ بچ نکلا۔ طیارہ ٹیک آف کرنے کے چند لمحے بعد میڈیکل ہاسٹل کی عمارت سے ٹکرا کر تباہ ہوگیا تھا۔
جاپان کا 80 سال میں پہلا کامیاب میزائل تجربہ
توقع کی جا رہی ہے کہ حادثہ بھارتی ہوا بازی کی تاریخ میں سب سے بڑے انشورنس کا دعویٰ ہوگا۔ اندازوں کے مطابق اس کی قیمت تقریباً 3,000 کروڑ روپے ہے۔
