واشنگٹن : عمران خان نے مذہب، نسل اور ثقافت سے مبرا ہوکر انسانی جانیں بچانے کیلئے مدد میں پہل کی، امریکی براڈکاسٹ جرنلسٹ نے بھی وزیراعظم کی کوششوں کا اعتراف کرلیا۔
دکھی انسانیت کی خدمت اور خطے کے امن و امان اور ملکی سالمیت و استحکام کےلیے اٹھائی جانے والے مثبت اقدامات پر امریکی براڈکاسٹ جرنلسٹ بھی وزیراعظم عمران خان کا مداح ہوگیا۔
امریکی جرنلسٹ عمران خان کی کوششوں کا اعتراف کرتے ہوئے کہا کہ افغانستان میں انسانی جانیں یقینی موت کے خدشات سے دوچار تھیں جس کےلیے ہم نے کئی ممالک کے وزرائے اعظم کو خط لکھ کر مدد کا تقاضا کیا لیکن صرف عمران خان نے فوری اور مثبت جواب دیا۔
گلین بیک نے کہا کہ عمران خان نے مذہب ، نسل اور ثقافت سے مبرا ہوکر پہل کی جب کہ دیگر ممالک کے وزرائے اعظم نے مختصر جواب دیا اور کسی اور عالمی لیڈر نے اس طرح پہل نہیں کی۔
انہوں نے افغانستان سے شہریوں کے انخلاء سے متعلق کہا کہ وزیراعظم پاکستان کی مدد سے تین جہاز مزار شریف سے لوگوں کو نکالنے میں کامیاب ہوئے، گلین بیک نے اعتراف کیا کہ عمران خان کی کوششیں اور پاک فوج کی حمایت و تعاون سے ہی طالبان نے جہاز ریلیز کیے۔
امریکی جرنلسٹ نے کہا کہ آئندہ دنوں میں دنیا کو افغانستان سے انخلاء کی مزید کہانیاں سننے کو ملیں گی۔
Words cannot express our gratitude to Prime Minister Khan and the people of Pakistan. @ImranKhanPTI pic.twitter.com/8Bz7frUjyY
— Glenn Beck (@glennbeck) September 20, 2021
ان کا کہنا تھا کہ قیمتی انسانی جانیں بچانے کےلیے عمران خان کا قیمتی وقت کام آیا اور قیمتی جانوں کو بچانے کےلیے وزیراعظم پاکستان کی خدمات کو سراہنا ضروری ہے۔
گلین بیک نے وزیراعظم عمران خان کی جدوجہد کی تشہیر سے متعلق اپنے عزم کا اظہار کرتے ہوئے عمران خان پر دوسرے میڈیا کی تنقید ان کا اپنا ایجنڈا ہوسکتا ہے لیکن ہم کسی کو اس لمحے کو فراموش کرنے کی اجازت نہیں دیں گے۔
افغانستان سے فیفا، فٹبال ٹیم اور خواتین کا انخلا عمران خان کی کوششوں سے ہوا اور ان خدمات نے امریکا اور اتحادیوں کو ان کے وعدوں کو پورا کرنے کے قابل بنایا۔
گلین بیک نے مزید کہا کہ عمران خان نے بغیر کسی وقفے یا سوچ بچار کے ان کی مدد کی، وزیراعظم پاکستان کی کوششوں کی تفصیل کل اپنے پروگرام میں بتاؤں گا۔
