site
stats
امریکا

دہشت گردی کے خلاف جنگ میں پاکستان مزید عملی اقدامات کرے، امریکا کا مطالبہ

واشنگٹن : امریکی وزیردفاع جیمزمیٹس نے کہا ہے کہ پاکستان کے ساتھ حقیقت پسندانہ تعلقات کے لیے پُرعزم ہیں دہشت گردوں کے خلاف کارروائی میں پاکستان نے نقصان اٹھایا ہے اور اس دواران پاکستان کے فوجی اورعام عوام دہشت گردوں کا نشانہ بنے ہیں.

وہ پاکستان سمیت مختلف ممالک کے سرکاری دورے پر روانگی سے قبل ایئرپورٹ پر میڈیا سے گفتگو کر رہے تھے امریکی وزیر دفاع کا کہنا تھا کہ پاکستان کا پہلا دورہ کر رہا ہوں اور پاک امریکا مشترکہ مفادات پر تعاون بڑھانے کے لیے پُرعزم ہوں.

جیمز میٹس نے کہا کہ گو کہ پاکستان نے دہشت گردی کے خلاف جنگ میں بڑی قربانیاں دی ہیں لیکن ابھی بہت کچھ کرنا ہے چنانچہ پاکستان میں محفوظ پناہ گاہیں ختم کرنے کے مطالبے کو دہرائیں گے.

انہوں نے کہا کہ افغان مفاہمتی عمل جنوبی ایشیائی پالیسی کا حصہ ہے جس کے تناظر میں‌ پاکستان سے جنوبی ایشیا کی نئی پالیسی پر تفصیلی بات ہوگی اور پاکستان سے پوچھیں گے کہ افغان مفاہمتی عمل میں کیا کردار ہوسکتا ہے.

امریکی وزیر دفاع نے کہا کہ پاکستان کا موقف ہے کہ وہ دہشت گردی کی حمایت نہیں کرتا لیکن اب پاکستان کے بیانات پرعملی اقدامات ہوتے دیکھنا چاہتے ہیں اور یقینی بناناہے کہ پاکستان کی زمین کسی دوسرے ملک کے خلاف استعمال نہ ہو.

امریکی وزیردفاع نے کہا کہ دہشت گردوں کے خلاف کارروائی پاکستان کے مفاد میں ہے اور ہم چاہتے ہیں کہ پاکستان خطے کے استحکام کے لیے کردار ادا کرے پاکستان امریکا مل کربہت کچھ حاصل کرسکتے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top