امریکا کی یکطرفہ پابندیاں دہشت گردی ہے: ایرانی صدر: Iran: US: Sanctions
The news is by your side.

Advertisement

امریکا کی یکطرفہ پابندیاں دہشت گردی ہے: ایرانی صدر

نیویارک: ایرانی صدر حسن روحانی نے کہا ہے کہ امریکا کی یکطرفہ پابندیاں دہشت گردی ہے، اب بھی کہتے ہیں مذاکرات سے بہتر کوئی راہ نہیں ہے۔

ان خیالات کا اظہار انہوں نے اقوام متحدہ کی جنرل اسمبلی سے خطاب کرتے ہوئے کیا، ایرانی صدر کا کہنا تھا کہ تمام مسائل بات چیت کے ذریعے ہی حل ہوتے ہیں۔

ان کا کہنا تھا کہ امریکا کی ایران سے متعلق پالیسی شروع سے ہی غلط رہی، کسی ملک کو طاقت کے زور پر مذاکرات کی میز پر نہیں لایا جاسکتا۔

دوسری جانب امریکی صدر ڈونلڈ ٹرمپ کا یو این جنرل اسمبلی سے خطاب کرتے ہوئے کہنا تھا کہ تمام ممالک ایران کو اس کے جارحانہ رویے پر تنہا کریں، ایران پڑوسی ممالک کی خود مختاری کا احترام نہیں کرتا ہے۔

تمام ممالک ایران کو اس کے جارحانہ رویے پر تنہا کریں، امریکی صدر ٹرمپ

ڈونلڈ ٹرمپ کا یہ بھی کہنا تھا کہ میری صدارت کے بعد امریکا مضبوط اور محفوظ ہوا ہے، ہم نے امریکیوں کے لیے ملازمتوں میں اضافہ کیا ہے، ہم امریکا کو سب سے مضبوط اور محفوظ ملک بنانا چاہتے ہیں۔

خیال رہے کہ امریکا کی جانب سے ایران جوہری معاہدے سے دست برداری کے بعد ایران پر اقتصادی پابندیاں عائد کردی ہیں، جس کے باعث ایرانی معیشت کو شدید نقصان پہنچا ہے۔

یاد رہے کہ گذشتہ دنوں اقوام متحدہ میں تعینات امریکی سفیر نّکی ہیلی نے واشنگٹن اور خلیجی ریاستوں پر عائد کردہ ایرانی الزامات کی تردید کرتے ہوئے کہا تھا کہ ایران اپنے اندورنی امن و امان کی خراب صورتحال کی وجوہات پر توجہ دے۔

Comments

comments

یہ بھی پڑھیں