The news is by your side.

Advertisement

پاکستانی حکومت کیساتھ آزادی صحافت کامعاملہ اٹھایا ہے، امریکا

امریکا کے وزیر خارجہ انٹونی بلنکن نے کہا ہے کہ ہم نے پاکستانی حکومت کیساتھ آزادی صحافت کا معاملہ اٹھایا ہے۔

آزادی صحافت کے عالمی دن کے موقع پر امریکی وزیر خارجہ انٹونی بلنکن نے پریس کانفرنس کی ہے جس میں ان کا کہنا ہے کہ آزادی صحافت کا معاملہ پاکستان کےتشخص کو متاثر کررہا ہے اور ہم نے پاکستانی حکومت کے ساتھ آزادی صحافت کا معاملہ اٹھایا ہے۔

امریکی وزیر خارجہ انٹونی بلنکن نے کہا کہ پاکستانی میڈیا، سول سوسائٹی پر پابندیوں کے حوالے سے آگاہ ہیں اور آزادی صحافت کے مسئلے کا ذکر انسانی حقوق سالانہ رپورٹ میں بھی ہے۔

انٹونی بلنکن نے مزید کہا کہ آزاد اور متحرک میڈیا، باخبر قوم کے مستقبل کیلئے کلیدی حیثیت رکھتا ہے لیکن پاکستان میں پابندیوں کا یہ طرز عمل آزادی اظہار کو مجروح کرتے نظر آتا ہے اور اس طرح کے اقدامات پرامن احتجاج کو نقصان پہنچاتے ہیں۔

ان کا کہنا تھا کہ آزادی صحافت کا معاملہ پاکستان کےتشخص کو متاثر کررہا ہے اور میڈیا پر پابندیاں پاکستان کی ترقی کی صلاحیت کو بھی متاثر کررہی ہیں، پاکستان کیساتھ مذاکرات میں آزادی صحافت پر بات ہوتی ہے۔

Comments

یہ بھی پڑھیں