امریکی نائب وزیر خارجہ ایلس ویلز ایک روزہ دورے پر کل پاکستان پہنچیں گی -
The news is by your side.

Advertisement

امریکی نائب وزیر خارجہ ایلس ویلز ایک روزہ دورے پر کل پاکستان پہنچیں گی

اسلام آباد: امریکی نائب وزیر خارجہ ایلس ویلز کل پاکستان کے ایک روزہ دورے پر پہنچیں گی ،جہاں وہ خطے کو درپیش چیلنجز پر پاکستانی حکام سے بات چیت کریں گی۔

تفصیلات کے مطابق امریکی نائب وزیر خارجہ اور نمائندہ خصوصی برائے جنوبی ایشیا ایلس ویلز کل ایک روزہ دورے پرپاکستان پہنچیں گی۔

وہ وزیر خارجہ شاہ محمود قریشی اور وزیرخزانہ اسدعمر سمیت دیگر سے اہم شخصیات کے بھی ملاقاتیں کریں گی، ملاقاتوں میں ایلس ویلز امریکا کی پالیسی برائے جنوبی ایشیا پر تبادلہ خیال کریں گی، اس کے علاوہ وزیراعظم عمران خان سے بھی ان کی ملاقات متوقع ہے۔

مزید پڑھیں: چین پاکستان کے لیے مثالی ماڈل ہے، وزیرِ اعظم عمران خان

واضح رہے کہ وزیر اعظم پاکستان عمران خان چین کے چار روزہ کامیاب دورے کے بعد آج رات وچن واپس پہنچ رہے ہیں ، دورہ چین کے موقع پر پاکستان اور چین کے درمیان مختلف معاہدوں اور یاد داشتوں  پر دستخط کیے گئے۔

اس سے قبل وزیراعظم عمران خان نے دورہ چین کے آخری روز شنگھائی میں چائنا ایکسپورٹ ایکسپو سے خطاب کرتے ہوئے کہا تھا کہ سی پیک سے گوادر پورٹ تک رسائی اورمشرق وسطیٰ کے ممالک سے تجارت آسان ہوگی۔ سی پیک کارو باری لاگت اور فاصلے کم کرنے کا باعث بنے گا۔

Comments

comments

یہ بھی پڑھیں