The news is by your side.

امریکا میں خشک سالی سے صورت حال انتہائی خراب ہو گئی

کولوراڈو: امریکا میں خشک سالی سے صورت حال انتہائی خراب ہو گئی ہے، متعدد امریکی ریاستیں پانی کو ترسنے لگیں۔

تفصیلات کے مطابق شدید خشک سالی کی شکار امریکی ریاستوں کو پانی کی مزید کمی کا سامنا ہے، وفاقی حکام کا کہنا ہے کہ ایریزونا اور نیواڈا کو لگاتار دوسرے سال بھی پانی کی کٹوتیوں کا سامنا کرنا پڑے گا۔

رپورٹ کے مطابق دریائے کولوراڈو میں پانی کی سطح گر گئی ہے، اس دریا پر 7 امریکی ریاستیں انحصار کرتی ہیں۔ دریائے کولوراڈو ریاستوں یوٹاہ، ایریزونا، نیواڈا، کیلیفورنیا اور شمالی میکسیکو سے ہوتا ہوا خلیج کیلیفورنیا میں جا گرتا ہے۔

نیواڈا کی جھیل مِیڈ، جو کبھی پانی میں ڈوبی ہوئی تھی، اب لوگ اس پر کشتی لے جاتے ہوئے دکھائی دیتے ہیں۔

 

محکمہ آبی وسائل کا کہنا ہے کہ پانی کے تحفظ کے لیے دستیاب ہر وسائل کا استعمال کیا جا رہا ہے، اور اس بات کو یقینی بنا یا جا رہا ہے کہ کھیتی باڑی کرنے والوں کو مناسب پانی فراہم ہو سکے۔

وفاقی حکومت کے مطابق اگلے سال کے لیے منصوبہ بندی کی گئی کٹوتیوں سے ریاستوں کو اس بارے میں اہم فیصلے کرنے پر مجبور کیا جائے گا کہ پانی کی کھپت کو کہاں کم کیا جائے اور بڑھتے ہوئے شہروں کو یا زرعی علاقوں کو ترجیح دی جائے۔

امریکی حکام کا کہنا ہے کہ وہ اُن 4 کروڑ لوگوں کے تحفظ کے لیے اقدامات کر رہے ہیں جو اپنی زندگی اور معاش کے لیے دریائے کولوراڈو پر انحصار کرتے ہیں۔

Comments

یہ بھی پڑھیں