اسلام آباد : آمنہ بلوچ نے بطور سیکرٹری خارجہ ذمہ داریاں سنبھال لیں، وہ اسلام آباد اور بیرون ملک اہم سفارتی عہدوں پر تعینات رہ چکی ہیں۔
تفصیلات کے مطابق آمنہ بلوچ نے سیکرٹری خارجہ کے عہدے کا چارج سنبھال لیا، وہ پاکستان کی 33ویں سیکرٹری خارجہ ہیں۔
وہ اسلام آباد اور بیرون ملک اہم سفارتی عہدوں پر تعینات رہ چکی ہیں، انھوں نے 2014 سے 2017 تک چینگڈو،چین میں پاکستان کی قونصل جنرل کے طور پر خدمات انجام دیں۔
- Advertisement -
ترجمان دفتر خارجہ ممتاز زہرا بلوچ کے مطابق وہ 2019 سے 2023 تک ملائشیا میں ہائی کمشنر رہیں جبکہ یورپی یونین، بیلجیم اور لکسمبرگ میں 2023 سے 2024 تک سفیر رہیں ہیں۔
