کراچی: تحریک انصاف کے چیئرمین عمران خان کے مداح نے نمک سے کپتان کا فن پارہ بنا کر انہیں خوبصورت انداز میں خراج تحسین پیش کیا۔
تفصیلات کے مطابق عمران خان کا شمار ان کامیاب پاکستانیوں میں ہوتا ہے جو سیاسی میدان میں آنے سے قبل بھی ملکی و بین الاقوامی سطح پر اپنی منفرد شناخت رکھتے ہیں۔
واضح رہے کہ تحریک انصاف کے چیئرمین عمران خان کو الیکشن 2018 میں کامیابی کے بعد دنیا بھر سے نامور شخصیات کی مبارکباد اور نیک خواہشات کے پیغامات موصول ہورہے ہیں۔
عمران خان کے مداح پاکستانی نوجوان عامر حسین نے ایک ویڈیو شیئر کی جس میں دیکھا جاسکتا ہے کہ وہ نمک کے ذریعے عمران خان کا فن پارہ بنا کر انہیں خوبصورت انداز میں تحفہ پیش کررہے ہیں۔
ویڈیو میں دیکھا جاسکتا ہے کہ نوجوان کے اردگرد بچے اور بڑے کپتان کا اسکیچ مکمل ہونے کا شدت سے انتظار کررہے ہیں اور جیسے ہی فن پارہ مکمل ہوا تو وہاں موجود لوگوں عامر حسین کے فن کو ناصرف سراہا بلکہ اس کی تصاویر بنا کر دوسروں کو بھی بھیجی۔
