The news is by your side.

Advertisement

عامر خان کا بھارتی حریف سے مقابلہ، باکسر کی وزیراعظم کو فائٹ دیکھنے کی دعوت

لندن: پاکستانی نژاد برطانوی باکسر عامر خان 12 جولائی کو جدہ میں بھارتی حریف نیرج گویات سے مقابلہ کریں گے، عامر خان نے وزیراعظم عمران خان کو فائٹ دیکھنے کی دعوت دے دی۔

تفصیلات کے مطابق پاکستانی نژاد برطانوی باکسر عامر خان اور بھارتی حریف نیرج گویات ڈبلیو بی سی پرل بیلٹ کے لیے 12 جولائی کو جدہ میں مدمقابل ہوں گے۔

باکسر عامر خان نے وزیراعظم عمران خان کو بطور مہمان خصوصی فائٹ دیکھنے کی دعوت دی ہے۔

ذرائع کے مطابق باکسر عامر خان کی جانب سے وزیراعظم ہاؤس بھیجا گیا دعوت نامہ قبول کرلیا گیا ہے، وزیر سائنس ٹیکنالوجی فواد چوہدری اور معاون خصوصی زلفی بخاری بھی فائٹ دیکھنے جدہ جائیں گے۔

واضح رہے کہ پاکستانی نژاد برطانوی باکسر عامر خان نے اہلیہ کے ہمراہ گزشتہ سال اکتوبر میں وزیراعظم عمران خان سے ملاقات کی تھی اور انہیں وزیراعظم منتخب ہونے پر مبارک باد دی تھی۔

گزشتہ سال عامر خان کی اہلیہ کے ہمراہ وزیراعظم عمران خان سے ملاقات کے موقع پر لی گئی تصویر

یاد رہے کہ رواں سال اپریل میں امریکا کے کرافورڈ نے باکسر عامر خان کو شکست دی تھی، امریکی باکسر نے دوسری بار اپنے ٹائٹل کا دفاع کیا تھا۔

پانچ راؤنڈز کے بعد باکسر عامر خان کے 46 اور کرافورڈ کے 48 پوائنٹس تھے، امریکی باکسر کو ٹیکنیکل ناک آؤٹ کی بنیاد پر فاتح قرار دیا گیا تھا۔

باکسر عامر خان کا کہنا تھا کہ وہ مقابلہ جیتنے کے لیے پر امید تھے لیکن انہیں غلط مکا لگا جس کے سبب وہ فائٹ جاری نہ رکھ سکے۔

Comments

comments

یہ بھی پڑھیں