The news is by your side.

Advertisement

بھارتی باکسر مجھ سے کسی صورت نہیں جیت سکتا،عامر خان

ممبئی : پاکستانی نژاد برطانوی باکسر عامر خان کا کہنا ہے کہ بھارتی باکسر وجندر سنگھ انہیں مقابلے کی دعوت دے کر اپنا کیرئیرتباہ کررہا ہے کیونکہ مقابلہ ہوا تو وہ ان سے کسی صورت جیت نہیں سکتا.

تفصیلات کےمطابق دومرتبہ عالمی چیمپئین بننے والے پاکستانی نژاد برطانوی باکسر کا کہنا ہے کہ بھارتی باکسر وجندر سنگھ میرا اچھا دوست ہے، ابھی تک وہ باکسنگ کے میدان میں ناتجربہ کار اور نوآموز ہے،اس کھیل میں اسے بہت زیادہ تجربے کی ضرورت ہے.

عامر خان کا کہنا ہے کہ مجھے چیلنج کرنے سے پہلے اسے سوچنا چاہیے تھا کہ کہیں ایسا نہ ہو کہ اس کا کیرئر تباہ ہوجائے،اگر وجیندر سنگھ کے ساتھ میرا مقابلہ ہوگیا تو باکسنگ رنگ میں وجندر سنگھ کا مستقبل تاریک کردوں گا لیکن اس کے باوجود میں اس کی حوصلہ افزائی کرتارہوں گا.

یاد رہے کہ حال ہی میں ڈبلیو او ایشیا سپر مڈل ویٹ کا ٹائٹل جیتنے والے بھارتی باکسر وجندر سنگھ نے اب بین الاقوامی سطح کے نامور باکسرعامر خان کو مقابلے کا چیلنج کرکے بڑا معرکہ سر کرنے کاخواب دیکھناشروع کردیا ہے.

بھارتی باکسر نے عامر خان کو چیلنج کرتے ہوئے کہا کہ وہ مینی پیکاؤ اور مے ویدر کو چھوڑیں اور اپنے روایتی حریف سے مقابلہ کریں،

واضح رہے کہ وجندر سنگھ نے مزید کہا کہ عامر خان حامی بھریں تو وہ پاکستان سمیت دنیا کے کسی بھی رنگ میں اترنے کو تیار ہیں،اور اگر عامر خان میرا چیلنج قبول کرلیتے ہیں تو یہ صدی کا بہترین اور نہ بھولنے والا مقابلہ ہوگا.

Print Friendly, PDF & Email

Comments

comments

یہ بھی پڑھیں