لندن: قومی کرکٹ ٹیم کے فاسٹ بولر محمد عامر کا کینٹ کاؤنٹی کے ساتھ معاہدہ طے پاگیا۔
تفصیلات کے مطابق فاسٹ بولر محمد عامر ٹی ٹوینٹی ایونٹ میں کینٹ کی نمائندگی کریں گے، اس حوالے سے ترجمان کینٹ کاؤنٹی کا کہنا تھا کہ محمد عامر سے معاہدے ہونے پر خوش ہیں۔
کینٹ کاؤنٹی نے اپنے ٹویٹر اکاؤنٹ پر ٹیم کی کٹ کے ساتھ محمد عامر کی تصویر بھی شیئر کی۔
🇵🇰 کینٹ میں خوش آمدید ، محمد عامر@iamamirofficial 🏏 #SuperKent
— Kent Cricket (@KentCricket) April 21, 2021
دوسری جانب کینٹ کے ٹویٹر ہینڈل سے عامر کو اردو میں خوش آمدید کہا گیا اور دل کی ایموجی بھی شیئر کی گئی۔
محمد عامر کینٹ کاؤنٹی کو کب جوائن کریں گے اس کا فیصلہ پی ایس ایل میں کراچی کنگز کی کارکردگی پر منحصر ہے، عامر کو برطانیہ پہنچنے کے بعد قرنطینہ بھی کرنا ہوگا۔
کینٹ کا پہلا میچ 25 جون کو عامر کی سابق ٹیم ایسیکس ایگلز کے خلاف ہوگا، اس سے قبل عامر نے 2017 اور 2019 میں ایسیکس ایگلز کی نمائندگی کرتے ہوئے 21 میچز کھیلے تھے۔
Great to have you onboard @iamamirofficial ! Excited to have you as a Spitfire ✈️🙌🏼 https://t.co/Zq5Q7Z7FjL
— Sam Billings (@sambillings) April 20, 2021
محمد عامر کا کہنا تھا کہ کینٹ ٹیم میں شامل ہونے پر خوش ہوں، کینٹ کی جانب سے اچھی کارکردگی کا مظاہرہ کرتے ہوئے ٹیم کو ٹرافی جتوانے میں مدد کروں گا۔
