بالی ووڈ کے شہنشاہ امیتابھ بچن کی اپنے ہم شکل کے ساتھ ملاقات کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر امیتابھ بچن کے ہمشکل ششی کانت پیڈوال نے ویڈیو شیئر کی جس میں انہیں بگ بی کی فلم کے سیٹ پر ان سے ملاقات کے دوران پاؤں چھوتے ہوئئے دیکھا جاسکتا ہے۔
ششتی کانت نے ویڈیو شیئر کرتے ہوئے کیپشن میں لکھا کہ ’آج میرے انسٹاگرام فالوورز کی تعداد 20 لاکھ تک پہنچ گئی ہے۔‘
امیتابھ کے ہمشکل نے گزشتہ دنوں یہ ویڈیو شیئر کی جسے لاکھوں کی تعداد میں صارفین دیکھ چکے ہیں اور اس پر ملے جلے ردعمل کا اظہار کررہے ہیں۔
کام کے محاذ پر امیتابھ بچن کی آنے والی فلم ’کالکی 2898 اے ڈی‘ شامل ہے جس میں پربھاس، دپیکا پڈوکون ودیگر شامل ہیں، فلم کی ہدایت کاری کے فرائض ناگ ایشون نے انجام دیے ہیں جبکہ فلم 9 مئی کو ریلیز ہوگی۔
اس کے علاوہ امیتابھ بچن ’گنپتھ پارٹ ون‘ میں بھی اداکاری کے جوہر دکھائیں گے جس کے مرکزی کرداروں میں ٹائیگر شیروف اور کریتی سینن شامل ہیں۔
