کراچی : معروف قوال مقتول امجد صابری کے قتل میں ملوث دوسرا ملزم بھی گرفتار کر لیا گیا۔ آئی جی سندھ نے جلد امجد صابری کے قاتلوں کی گرفتاری کی خبر سنا دی۔

تفصیلات کے مطابق امجد صابری قتل کیس میں اہم پیشرفت سامنے آئی ہے، پولیس نے واردات میں ملوث دوسراملزم بھی گرفتار کرلیا۔

Another important development in Amjad Sabri's… by arynews

ذرائع سے ملنے والی اطلاعات کے مطابق مذکورہ ملزم امجد صابری کے قتل میں ملوث ہے جسے پہلے سے گرفتار ایک ملزم کی نشاندہی پرگرفتار کیا گیا ہے۔ ملزم واردات کے بعد اسلحہ اپنے ہمراہ لے گیا تھا۔

ذرائع کا کہنا ہے کہ گرفتار ملزم چند ماہ پہلے ہی بیرون ملک سے پاکستان آیا تھا۔ پولیس نے ملزم کے بیرون ملک سفر سے متعلق دستاویزات حاصل کرلیں۔

ادھر آئی جی سندھ اے ڈی خواجہ نے امجد صابری کیس میں کامیابی کا دعویٰ کرتےہوئے کہا ہے کہ ملزمان کے بہت قریب پہنچ چکے ہیں۔

آئی جی سندھ کا کہنا تھا کہ امجد صابری کوقتل کرنیوالے گروہ کا تعین ہو چکا ہے، چند روز میں امجد صابری کے قاتل قانون کی گرفت میں ہوں گے۔