The news is by your side.

Advertisement

امجد صابری کی سالگرہ پربیٹی نے جذباتی پوسٹ شیئر کردی

کراچی: معروف قوال مرحوم امجد صابری کی سالگرہ پر بیٹی حورین نے جذباتی پوسٹ شیئر کردی۔

تفصیلات کے مطابق معروف قوال مرحوم امجد صابری کی 50ویں سالگرہ پر ان کی صاحبزادی حورین نے گزشتہ روز سماجی رابطے کی ویب سائٹ انسٹاگرام پر والد کے ہمراہ تصویر شیئر کی جو سوشل میڈیا پر وائرل ہوگئی۔

حورین کی جانب سے شیئر کردہ بچپن کی تصویر میں دیکھا جاسکتا ہے کہ وہ والد کی پیٹھ پر بیٹھی مسکرا رہی ہیں۔

انہوں نے تصویر کے ساتھ کیپشن لکھا کہ ’ سالگرہ مبارک ہو ابا جان ، مس یو۔‘

حورین صابری کی جانب سے شیئر کردہ تصویر کو مداحوں کی جانب سے خوب سراہا جارہا ہے ، مداح بھی مرحوم قوال امجد صابری کو خراج تحسین پیش کررہے ہیں۔

واضح رہے کہ حورین نے اس سے قبل والد اور بہن بھائیوں کے ہمراہ خوبصورت تصویر شیئر کی تھی جسے سوشل میڈیا پر بھرپور پذیرائی ملی تھی۔

حورین نے گزشتہ دنوں اسنیپ چیٹ پر بھی اکاؤنٹ بنایا جس کی آئی ڈی انہوں نے (عینی امجد) کے نام سے رکھی اور مداحوں کو اپنی نئی آئی ڈی سے متعلق آگاہ کیا۔

یاد رہے کہ مرحوم امجد صابری کا شمار جنوبی ایشیا کے معروف قوالوں میں ہوتا ہے، انہیں حکومت کی جانب سے ستارہ امتیاز، اور پرائڈ آف پرفارمنس سے نوازا گیا تھا۔

Comments

یہ بھی پڑھیں