کراچی :معروف قوال امجد صابری قتل کا مقدمہ فوجی عدالت بھیجنے کا فیصلہ کرلیا گیا، سندھ حکومت نے منظوری دیدی ۔

تفصیلات کے مطابق کراچی کی انسداد دہشتگردی عدالت میں امجد صابری قتل کیس کی سماعت ہوئی، سماعت کے دوران پولیس نے عدالت کو بتایا کہ حکومتِ سندھ نے امجد صابری کیس کے مرکزی ملزمان کے مقدمات فوجی عدالت میں بھیجنے کا فیصلہ کرلیا ہے اور منظوری دیدی ہے۔

پولیس نے اسحاق بوبی،عاصم کیپری کیسزسے متعلق عدالت کو آگاہ کردیا۔

پولیس حکام کا کہنا تھا کہ امجد صابری قتل کیس کا معاملہ اپیکس کمیٹی کو ارسال کردیا گیا ہے، ایپکس کمیٹی کی منظوری کے بعد کیس فوجی عدالت میں بھیجا جائے گا۔

بعد ازاں عدالت نے سماعت چوبیس اگست تک ملتوی کردی۔

مزید پڑھیں : معروف قوال امجد صابری قاتلانہ حملے میں جاں بحق

واضح رہے کہ گزشتہ برس رمضان میں لیاقت پل کے نزدیک معروف قوال امجد صابری کو نامعلوم مسلح افراد نے فائرنگ کرکے اس وقت قتل کردیا گیا تھا جب وہ ایک نجی چینل کی رمضان ٹرانسمیشن میں شرکت کیلئے جارہے تھے۔

جس کے بعد اسحاق بوبی،عاصم کیپری کو گرفتار کیا گیا، ملزمان کیخلاف امجدصابری سمیت بائیس مقدمات زیرِ سماعت ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔