کراچی: امجدصابری کے اہلِ خانہ نے پاکستان چھوڑنے کی خواہش کا اظہار کرتے ہوئے کہا ہے کہ خود کو یہاں غیر محفوظ تصور کرتے ہیں۔
اے آر وائی نیوز سے بات کرتے ہوئے امجد صابری کے بھائی عظمت صابری نے کہا کہ اپنے جانوں کی حفاظت کے لیے برطانیہ منتقل ہونے کا فیصلہ کیا ہے اور تمام اہلِ خانہ لندن جانا چاہتے ہیں۔
عظمت صابری کا کہنا تھا کہ خود کو یہاں غیر محفوظ تصور کرتے ہیں حالانکہ ہم لوگ یہیں پلے بڑھے ہیں لیکن اب لیاقت آباد میں ہماری زندگیوں کو بھی خطرہ ہے۔
*معروف قوال امجد صابری قاتلانہ حملے میں جاں بحق
انہوں نے کہا کہ افتخار چوہدری کے ذریعےلندن جانے کے لیے ویزے کی درخواست دیں گے اور اس سلسلے میں حکومت سے اپیل کرتے ہیں کہ ہمارے ملک سے باہر جانے کےاخراجات کا بندوبست کیا جائے۔
امجد صابری کے بھائی نے ایک مرتبہ بھی اپنے بھائی کے قاتلوں کو کیفر کردار تک پہنچانے کا مطالبہ کرتے ہوئے کہا کہ اپنے بھائی کو کھونے کے بعد کسی اور نقصان کے متحمل نہیں ہوسکتے اس لیے حکومت اہل خانہ سمیت بیرون ملک منتقلی کے انتظامات کیے جائیں۔
اس موقع پر امجد صابری کی والدہ نے بھی اظہار خیال کرتے ہوئے کہا کہ ملک سے باہرجانا چاہتے ہیں بیرون ملک جانےمیں ہماری مدد کی جائے، پاسپورٹ و دیگرسفری کاغذات تیار ہیں تاہم ابھی کسی ملک کو ویزے کے لئے درخواست نہیں دی ہے۔
انہوں نے کہا کہ اس قبل بھی حکومت کے کئی لوگوں سے بیرون ملک بھیجنےکی بات کی تھی لیکن کسی بھی جانب سے کوئی مثبت جواب نہیں آیا تو آج افتخار چوہدری کی آمد پر یہ معاملہ ان کے سامنے دوبارہ اٹھایا ہے کہ شاید کوئی بات بن جائے۔
امجد صابری کی والدہ اور بھائیوں نے یہ بات تعزیت کے لیے آئے سابق چیف جسٹس افتخارچوہدری سے ملاقات کے بعد میڈیا سے بات کرتے ہوئے بتائی۔
*کراچی کے نوجوان مصوروں کا امجد صابری کو خراج عقیدت
واضح رہے کہ معروف قوام کو گزشتہ برس 22 جون کو لیاقت آباد نمبر 10 پر اس وقت نشانہ بنایا گیا جب وہ ایک نجی ٹیلی ویژن کے لیے پروگرام ریکارڈ کرا کے گھر جارہے تھے۔
ان کی شہادت نے پورے ملک کو سوگوار کردیا تھا اور نماز جنازہ میں ہزاروں لوگوں نے شدید گرمی اور روزے کے دوران شرکت کی اس موقع پر ہر آنکھ اشک بار تھی اور ان کا پڑھا ہوا آخری کلام ہر زبان پر جاری تھا۔
*امجد صابری قتل کےمحرکات سامنے آگئے
چند ماہ پولیس کو بڑی کامیابی حاصل ہوئی اور وزیراعلیٰ سندھ سید مراد علی شاہ نے ایک پُرہجوم پریس کانفرنس میں امجد صابری کے قاتلوں الیاس بوبی اور عاصم کیپری کی گرفتاری اور تفتیش سے آگاہ کیا۔
