امجداللہ نے ایم کیو ایم لندن چھوڑ کرسیاست سے کنارہ کرلیا -
The news is by your side.

Advertisement

امجداللہ نے ایم کیو ایم لندن چھوڑ کرسیاست سے کنارہ کرلیا

کراچی : ایم کیو ایم لندن کے رہنما امجداللہ نے پارٹی سے لاتعلقی کا اعلان کردیا، ان کا کہنا ہے کہ آج کے بعد سے میرا کسی جماعت سے کوئی تعلق نہیں۔

تفصیلات کے مطابق ایم کیو ایم لندن کے رہنما امجد اللہ نے سیاست سے کنارہ کشی اختیار کرنے کا اعلان کردیا، یہ بات انہوں نے کراچی پریس کلب میں ایک اہم پریس کانفرنس سے خطاب کرتے ہوئے کہی۔ امجد اللہ خان جیل سے رہائی کے بعد پریس کلب پہنچے تھے۔

ایم کیو ایم لندن کے رہنما امجداللہ نے ایم کیوایم لندن سے لاتعلقی کا اعلان کرتے ہوئے کہا کہ آج کے میرا بعد کسی بھی جماعت سے کوئی تعلق نہیں۔

انہوں نے کہا کہ دوران قید احساس ہوا کہ لندن میں بیٹھے افراد پاکستان کے خلاف ہرزہ سرائی کر رہے ہیں، مودی سے مدد مانگنے والے کو میں ایم کیو ایم کا بانی نہیں مانتا۔

پریس کانفرنس میں امجد اللہ کاکہنا تھا کہ یہ انہوں نے فیصلہ کسی دباؤ کے بغیر اپنی مرضی سے کیا ہے۔

ان کا کہنا تھا کہ عوام کی خدمت کیلئےایم کیوایم میں شمولیت اختیارکی تھی،لیکن اب ملک مخالف نعرہ سن کر میرے سب ارادے چکنا چور ہوگئے۔

مزید پڑھیں : متحدہ رہنما امجد اللہ پریس کلب سے باہر نکل آئے، رینجرز نے گرفتار کرلیا

انہوں نے کہا کہ کہا کہ اب وہ دوبارہ سیاست میں قدم نہیں رکھیں گے۔ انہوں نے کہا کہ میں پاکستانی ہوں اور ہمیشہ پاکستان زندہ باد کا نعرہ لگاتا رہوں گا اور اپنے پیارے وطن کی ساکھ کا ہمیشہ خیال رکھوں گا۔ میں کسی بھی ایسی سیاسی جماعت کا حصہ نہیں رہ سکتا جو پاکستان کو نسلی اور لسانی بنیاد پر تقسیم کرتی ہو۔

انہوں نے کہا کہ جیل میں بہت سے قیدی ایسے ملے جن کی غلط ذہن سازی کرکے انہیں اس نہج تک پہنچایا گیا، انہوں نے کہا کہ میں اپیل کرتا ہوں کہ ان کارکنان کو اس طرح کا ایک موقع دیا جائے اور میں بھی ان قیدیوں کی اصلاح اور بہبود کیلئے اپنا کردار ادا کروں گا۔

مزید پڑھیں: این اے 245: تحریک انصاف کا امیدوار امجد اللہ ایم کیو ایم کے حق میں دستبردار

یاد رہے کہ امجد للہ کو بانی ایم کیو ایم کی 22اگست کی تقریر کے بعد حراست میں لیا گیا تھا جبکہ امجد اللہ نے7 اپریل 2016 کو این اے – 245 کے الیکشن کے دوران تحریک انصاف سے مستعفی ہو کر ایم کیو ایم میں شمولیت اختیار کی تھی۔

Comments

comments

یہ بھی پڑھیں