نیشنل ٹی 20 کپ میں کراچی وائٹس کے عماد عالم نے ایک اوور میں 29 رنز جڑ دیے۔
کراچی میں جاری نیشنل ٹی 20 کپ سپر ایٹ مرحلے کے میچ میں کراچی وائٹس نے سیالکوٹ کو باآسانی 6 وکٹوں سے شکست دے دی۔
سیالکوٹ نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 165 رنز بنائے جواب میں کراچی وائٹس نے مطلوبہ ہدف 18 اوورز میں 4 وکٹوں کے نقصان پر حاصل کرلیا۔
عماد عالم نے کراچی وائٹس کی کامیابی میں اہم کردار ادا کیا اور 16 گیندوں پر 43 رنز کی برق رفتار اننگز کھیلی، اعظم خان نے بھی 59 رنز کی ناقابل شکست اننگز کھیلی۔
عماد نے اسپنر بلال آصف کے ایک اوور میں 29 رنز بنائے، عماد نے بلال آصف کے اوور میں 4 بلند و بالا چھکے، ایک چوکا اور ایک رن بنایا۔
گزشتہ دنوں عماد عالم نے 33 گیندوں پر 55 رنز کی اننگز کھیلتے ہوئے اپنی ٹیم کراچی وائٹس کو فتح سے ہمکنار کیا تھا۔ کراچی نے حیدر آباد کی طرف سے دیا گیا 103 رنز کا ہدف 13 ویں اوور میں تین وکٹوں کے نقصان پر پورا کرلیا تھا۔
I am in love with Ammad Alam’s batting. This is the shot of the tournament very exciting young batsman from Karachi #PakistanCricket pic.twitter.com/NR0RNYQBWh
— Haroon (@hazharoon) November 28, 2023
حیدرآباد کی ٹیم سہیل خان کی شاندار بولنگ کے باعث 19 ویں اوور میں 102 رنز بنا کر آل آؤٹ ہوگئی تھی۔ پیسر نے شاندار بولنگ کرتے ہوئے 10 رنز دے کر 5 کھلاڑیوں کو آؤٹ کیا تھا۔
