شوبز انڈسٹری کی اداکارہ و کمرشل پائلٹ عمارہ چوہدری نے اپنے کرش کا نام بتادیا۔
اے آر وائی زندگی کے پروگرام ’دی نائٹ شو ود ایاز سموں‘ میں اداکارہ عمارہ چوہدری نے شرکت کی اور شوبز کیریئر سمیت دیگر موضوعات پر اظہار خیال کیا۔
میزبان نے پوچھا کہ شوبز انڈسٹری میں آپ کا کرش کون ہے؟
عمارہ چوہدری نے کہا کہ ایک ہی تھا، ایک ہی ہے اور وہی رہے گا سلمان خان، پاکستان میں انہوں نے اداکار فہد مصطفیٰ کا نام لیا پھر کہنے لگیں کہ میں اکثر فہد بھائی بولنے لگ جاتی ہوں پھر کہتی ہوں کہ ابھی تو کرش بولا تھا۔
عمارہ چوہدری نے کہا کہ اگر ایک دن کے لیے کسی کی زندگی جینا ہو تو میں ایدھی صاحب کی زندگی جینا چاہوں گی، جب کراچی آئی تو چاہتی تھی کہ ان سے ملوں گی لیکن اس سے قبل ان کا انتقال ہوچکا تھا۔
انہوں نے کہا کہ اگر سپر پاور دی جائے تو چاہوں گی کہ میں دوسروں کا دماغ پڑھ سکوں۔
میزبان نے پوچھا کہ پیار یا پیسہ؟ اداکارہ نے کہا کہ پیسہ کیونکہ پیار کسی کو نہیں ملتا اور آج کل کے دور میں پیار ہوتا بھی نہیں ہے۔
انہوں نے پوچھا کہ ایکٹنگ، ماڈلنگ، یا فلائنگ؟ عمارہ چوہدری نے کہا کہ فلائنگ، اداکاری اور ماڈلنگ چھوڑ کر فلائنگ پر ہی توجہ دوں گی۔
