لندن: انسانی حقوق کی عالمی تنظیم ایمنسٹی انٹرنیشنل نے حکومت پاکستان کی جانب سے شروع کیے جانے والے غربت کے پروگرام کو سراہا۔
تفصیلات کے مطانق انسانی حقوق کے عالمی نگراں ادارے ایمنسٹی انٹرنیشنل نے سماجی رابطے کی ویب سائٹ پر ایک ٹویٹ میں کہا کہ ’حکومتِ پاکستان کی جانب سے ملک کے سب سے کمزور طبقے کو معاشی اور سماجی حقوق فراہم کرنا اہم اور بہت اچھا اقدام ہے‘۔
ایمنسٹی انٹرنیشنل نے غربت کے خاتمے کے حوالے سے شروع ہونے والے پروگرام ’احساس‘ کے افتتاح کو بھی سراہا۔
انسانی حقوق کی عالمی تنظیمی کے حکام کا مزید کہنا تھا کہ ’خوراک، گھر، تعلیم اور صحت کی فراہمی سے ہر شخص باوقار زندگی گزار سکتا ہے اور ان ہی بنیادوں پر اچھی زندگی کی تعمیر ممکن ہے‘۔
مزید پڑھیں: وزیر اعظم نے “غربت مٹاؤ پروگرام” کا افتتاح کر دیا، 80 ارب روپے مختص کرنے کا اعلان
یاد رہے کہ ایک روز قبل وزیر اعظم پاکستان عمران خان نے اسلام آباد میں منعقد ہونے والی تقریب میں غربت مٹاؤ پروگرام ’احساس‘ کا افتتاح کیا تھا۔
عمران خان کا افتتاحی تقریب میں خطاب کرتے ہوئے کہنا تھا کہ ’اس پروگرام کے تحت آئین میں ترمیم کی جائے گی تاکہ ریاست عوام کو اُن پانچ چیزوں کی ضمانت دے سکے جو بنیادی حقوق میں شامل ہیں‘۔
