لندن : انسانی حقوق کی عالمی تنظیم ایمنسٹی انٹرنیشنل کا کہنا ہے کہ بھارت نے کشمیریوں سے پوچھے بغیر خصوصی حیثیت ختم کی ، بھارت کے یوم آزادی پر مقبوضہ وادی میں5 اگست سے بلیک آؤٹ ہے۔
تفصیلات کے مطابق انسانی حقوق کی عالمی تنظیم ایمنسٹی انٹرنیشنل نے کہا بھارت کا یوم آزادی ہے اور مقبوضہ وادی میں5اگست سےبلیک آؤٹ ہے، بھارت نے کشمیریوں سے پوچھے بغیر خصوصی حیثیت ختم کی۔
ایمنسٹی انٹرنیشنل کا کہنا تھا کہ مقبوضہ وادی میں لاک ڈاؤن ہے،لوگ رائےکااظہارنہیں کرسکتے، مقبوضہ کشمیرمیں سیاسی رہنما اور کارکن قید ہیں، مقبوضہ جموں کشمیرکےعوام کے حقوق کی خلاف ورزی نہیں ہونی چاہیے۔
As India celebrates its Independence day, Jammu and Kashmir are still under a communications blackout since the 5th of August. Here’s everything you need to know. pic.twitter.com/BOsUrFXWrQ
— Amnesty International (@amnesty) August 15, 2019
خیال رہے بھارت کے یوم آزادی پرپاکستان سمیت دنیا بھر میں پاکستانی آج یوم سیاہ منا رہے ہیں ، دنیا بھر میں مقیم پاکستانی کشمیرپربھارتی قبضے کیخلاف آواز اٹھائیں گے اور احتجاجی ریلی نکالی جائے گی۔
پاکستان کی درخواست پر مسئلہ کشمیر پر 50 سال بعد سیکیورٹی کونسل کا ہنگامی اجلاس کل طلب کرلیا گیا ہے۔
وزیر اعظم عمران خان کا ٹوئٹ میں کہنا ہے کہ کیا دنیا مقبوضہ کشمیرمیں نسل کشی خاموشی سےدیکھتی رہےگی؟عالمی برادری نےیہ ہونے دیا تومسلم دنیامیں اس کاشدیدردعمل ہوگا، انتہا پسندی اورتشدد کا سلسلہ شروع ہوسکتا ہے۔
