The news is by your side.

Advertisement

بھارت کے یوم آزادی پر مقبوضہ وادی میں5اگست سے بلیک آؤٹ ہے، ایمنسٹی انٹرنیشنل

لندن : انسانی حقوق کی عالمی تنظیم ایمنسٹی انٹرنیشنل کا کہنا ہے کہ بھارت نے کشمیریوں سے پوچھے بغیر خصوصی حیثیت ختم کی ، بھارت کے یوم آزادی پر مقبوضہ وادی میں5 اگست سے بلیک آؤٹ ہے۔

تفصیلات کے مطابق انسانی حقوق کی عالمی تنظیم ایمنسٹی انٹرنیشنل نے کہا بھارت کا یوم آزادی ہے اور مقبوضہ وادی میں5اگست سےبلیک آؤٹ ہے، بھارت نے کشمیریوں سے پوچھے بغیر خصوصی حیثیت ختم کی۔

ایمنسٹی انٹرنیشنل کا کہنا تھا کہ مقبوضہ وادی میں لاک ڈاؤن ہے،لوگ رائےکااظہارنہیں کرسکتے، مقبوضہ کشمیرمیں سیاسی رہنما اور کارکن قید ہیں، مقبوضہ جموں کشمیرکےعوام کے حقوق کی خلاف ورزی نہیں ہونی چاہیے۔

خیال رہے بھارت کے یوم آزادی پرپاکستان سمیت دنیا بھر میں پاکستانی آج یوم سیاہ منا رہے ہیں ، دنیا بھر میں مقیم پاکستانی کشمیرپربھارتی قبضے کیخلاف آواز اٹھائیں گے اور احتجاجی ریلی نکالی جائے گی۔

پاکستان کی درخواست پر مسئلہ کشمیر پر 50 سال بعد سیکیورٹی کونسل کا ہنگامی اجلاس کل طلب کرلیا گیا ہے۔

وزیر اعظم عمران خان کا ٹوئٹ میں کہنا ہے کہ کیا دنیا مقبوضہ کشمیرمیں نسل کشی خاموشی سےدیکھتی رہےگی؟عالمی برادری نےیہ ہونے دیا تومسلم دنیامیں اس کاشدیدردعمل ہوگا، انتہا پسندی اورتشدد کا سلسلہ شروع ہوسکتا ہے۔

Comments

comments

یہ بھی پڑھیں