پھوپھی سے ملاقات کے لیے آنے والا 8 سالہ لڑکا موت کی وادی میں جا پہنچا پولیس نے واقعہ کی تحقیقات شروع کر دی ہیں۔
یہ افسوسناک واقعہ بھارت کے علاقے شانتی نگر کے ایک اپارٹمنٹ میں پیش آیا جہاں 8 سالہ ارنو اپنے دادا کے ہمراہ پھوپھی سے ملاقات کے لیے آیا تھا۔
رپورٹ کے مطابق ارنو پھوپھی کے فلیٹ میں جانے کے لیے لفٹ میں سوار ہو رہا تھا کہ لفٹ اور دیوار کے درمیان پھنس گیا جس کو شدید زخمی حالت میں وہاں سے نکال کر اسپتال منتقل کیا گیا۔
تاہم علاج کے دوران اس کی موت ہوگئی۔ پولیس نے قانونی کارروائی اور پوسٹمارٹم کے بعد لاش ورثا کے حوالے کر دی جب کہ مقدمہ درج کر کے واقعہ کی تحقیقات شروع کر دی ہے۔
