اسمارٹ فون موجودہ دور کی ضرورت بن چکا ہے اگر یہ قیمتی فون پانی میں گرجائے تو اب اسے گھر میں بھی باآسانی ٹھیک کیا جاسکتا ہے۔
اسمارٹ فون قیمتی ہونے کے ساتھ موجودہ دور کی عادت کے ساتھ ضرورت بھی بن چکا ہے۔ تعلیم سے لے کر کاروبار تک کیلیے اس کا استعمال کیا جارہا ہے لیکن اگر یہ فون پانی میں گرجائے تو سمجھیں آپ کے ہزاروں بلکہ لاکھوں روپے برباد ہوسکتے ہیں تاہم کچھ ایسے طریقے ہیں جن کے ذریعے اس کو باآسانی گھر میں ہی ٹھیک کیا جاسکتا ہے۔
تو اگر آپ کا فون دوران استعمال پانی کے اندر گرجائے تو سب سے پہلے اسے پانے سے نکال کر فوری طور پر اس کا پاور آف کردیں۔ پھر اس میں سے سم اور میموری کارڈ بھی علیحدہ کریں اور فون کو ایسی جگہ رکھ دیں کہ جہاں تیز دھوپ آتی ہو کہ تاکہ اس کے اندر موجود پانی اور نمی مکمل طور پر جلد خشک ہوسکے۔
اگر آپ کے پاس ہیئر ڈرائر ہے تو اس کا فائدہ اٹھائیں اور اس سے فون کو خشک کرلیں۔
پانی میں گرنے والے موبائل فون کو خشک کرکے دوبارہ قابل استعمال بنانے کا ایک اور آسان طریقہ آپ کے کچن میں بھی موجود ہے۔
چاول ہر گھر میں موجود ہوتے ہیں لیکن شاید ہی کوئی جانتا ہوں کہ یہ نمی کو خشک کرتا تو اگر آپ کے ساتھ ایسا حادثہ ہوا ہے تو اپنا فون آف کرنے اور سم ومیموری کارڈ نکالنے کے بعد چاول کی ڈھیری میں رکھ دیں تو وہ کچھ وقت میں ہی فون میں موجود تمام نمی کو خشک کردے گا اور فون دوبارہ قابل استعمال ہوسکتا ہے۔
تاہم یہ خراب موبائل فون درست کرنے کا فوری علاج ہے ان سارے امور کے بعد اپنے موبائل فون کو کسی اچھی موبائل شاپ پر لازمی دکھائیں تاکہ اگر کچھ نقص باقی ہے تو وہ دور کرکے آپ یقینی نقصان سے بچ سکیں۔
