The news is by your side.

Advertisement

میک اپ کے سامان کی تیاری میں چھپکلیوں کے استعمال کا انکشاف

جکارتہ: انڈونیشیا میں میک اپ کے سامان کی تیاری میں چھپکلیوں کے استعمال کا انکشاف ہوا ہے۔

وائس آف انڈونیشیا کے مطابق انڈونیشیا کے کیپتا کان نامی گاؤں کے باسی چھپکلیاں پکڑ کر سپلائی کرتے ہیں اور اس سے اچھی خاصی رقم حاصل کرتے ہیں۔

جریدے کے مطابق انڈویشیا کے اس گاؤں میں آپ کو جگہ جگہ چھپکلیوں کے ڈھیر لگے نظر آئیں گے۔

گاؤں کے رہائشی رات کے وقت چھپکلیوں کو تلاش کرکے پکڑنے کے لیے نکلتے ہیں، چھپکلیوں کو پکڑنے کے لیے ایک خاص قسم کی چھڑی کا استعمال کیا جاتا ہے جس پر گلو لگی ہوتی ہے، گلو لگی چھڑی کے ذریعے چھپکلی کو پکڑنا آسان ہوجاتا ہے۔

چھپکلیاں پکڑنے والے انہیں جمع کرکے اس کام کی سربراہی کرنے والے کے حوالے کردیتے ہیں جو انہیں ایک کلو چھپکلیوں کے عوض تین ڈالر دیتا ہے۔

مزید پڑھیں: رنگ گورا کرنے کی کریمز میں لال بیگوں کا استعمال

چھپکلیاں جمع کرنے کے بعد انہیں پانی سے دھویا جاتا ہے اور پھر ان پر سرف میں پانی ملا کر تیار کیا جانے والا آمیزہ لگایا جاتا ہے، چھپکلیوں کو کچھ گھنٹے بھونے جانے کے بعد دھوپ میں سکھایا جاتا ہے جس کے بعد یہ مارکیٹ میں فروخت کے لیے تیار ہوجاتی ہیں۔

رپورٹ کے مطابق اس گاؤں میں چھپکلیوں کے علاوہ مینڈک اور سانپوں کے بیچنے کا کاروبار بھی کیا جاتا ہے لیکن سب سے زیادہ پیسہ چھپکلیوں سے کمایا جاتا ہے۔

چھپکلیوں کے کاروبار سے جڑے ایک شخص کے مطابق سب سے زیادہ چین اور امریکا سے لوگ اسے خریدتے ہیں.

یہ چھپکلیاں میک اپ کے سامان کے علاوہ جلد الرجی اور خارش کی ادویات کی تیاری میں بھی استعمال کی جاتی ہیں۔

Comments

comments

یہ بھی پڑھیں