لندن: برطانیہ میں تعلیم کی غرض سے گئے ہوئے سعودی طالب علم نے برطانوی شہری کو ڈوبنے سے بچا کر سب کے دل جیت لیے۔
عرب میڈیا رپورٹ کے مطابق سعودی عرب سے تعلق رکھنے والے طالب علم الشمری نے گزشتہ دنوں برطانوی شہری کو پانی میں ڈوبتا دیکھ کر اپنی جان کی پرواہ کیے بغیر دریا میں چھلانگ لگائی اور اُس کو باحفاظت نکال لیا۔
عرب میڈیا رپورٹ کے مطابق ترکی الشمری برطانوی یونیورسٹی لنکا شائر کے طالب علم ہیں، حادثے کے روز وہ دریائے ریبل کے نزدیک موجود تھے کہ اسی دوران اُن کی پانی میں پھنسے شخص ڈیو لوو پر نظر پڑی۔
برطانوی شہری کے اہل خانہ نے سعودی طالب کا شکریہ ادا کیا جبکہ ڈین لوو کی اہلیہ نے ترکی الشمری ہیرو اور دنیا کا خوبصورت انسان قرار دیتے ہوئے کہا کہ ’الشمری نے میرے شریک حیات کی جان بچائی، میں تمام زندگی اُس کی شکر گزار رہوں گی‘۔
#VIDEO: Saudi student in the #UK Turki Al-Shammari praised after bravely jumping into a river to save Dean Lowe’s life in #Preston. The Lowe family visited Al-Shammari to thank him later for saving Lowe’s life. pic.twitter.com/gEnIx5yZWu
— Saudi Gazette (@Saudi_Gazette) February 6, 2021
پانی میں پھنسا ہوا شخص جان بچانے کے لیے مدد طلب کررہا تھا کہ الشمری نے ایک لمحہ انتظار کیے بغیر دریا میں چھلانگ لگائی اور برطانوی شہری کو ڈوبنے سے بچایا۔
HRH the Ambassador was delighted to be able to speak with Turki Al-Shammari, a young Saudi student who bravely jumped into a river to save the life of a man in #Preston.
We wish Mr Dean Lowe a speedy recuperation and the safe recovery of his dog. pic.twitter.com/snUvpYb1Zk
— Saudi Embassy UK (@SaudiEmbassyUK) February 5, 2021
سعودی طالب علم کے اس اقدام کو برطانیہ سمیت دنیا بھر میں سراہا گیا جبکہ مذکورہ شہری کے اہل خانہ نے بھی الشمری سے ملاقات کر کے اُس کے حوصلے کی داد دی۔
علاوہ ازیں برطانیہ میں تعینات سعودی سفیر شہزادہ خالد بند بندر بن سلطان نے طالب علم ترکی الشمری سے فون پر رابطہ کیا اور انسانیت دوست اقدام کی تعریف بھی کی۔
سعودی سفیر کا کہنا تھا کہ یہ قیمتی عمل سعودی معاشرے کی اقدار اور ثقافت کی عکاسی کرتا ہے۔ برطانیہ میں سعودی عرب کی ثقافتی خاتون اتاشی ڈاکٹر امل فطانی نے بھی سعودی طالب علم ترکی الشمری کے عمل کو قابل افتخار قرار دیا۔
This is turki, he is a hero a beautiful man, he saved Dean Lowe life, he saved ellas father my partner. We couldn’t…
Posted by Jessica Williams on Friday, February 5, 2021
خاتون اتاشی کا کہنا تھا کہ انسانی جان بچانے کا یہ واقعہ بیرون ملک تعلیم حاصل کرنے والے سعودی طلبہ کے واسطے مثبت اور امتیازی اقدار کا نمونہ ہے۔
