The news is by your side.

Advertisement

نجی ٹی وی کے اینکر کے قتل کا مقدمہ اہلیہ کی مدعیت میں درج

کراچی : نجی ٹی وی کے اینکر مرید عباس کے قتل کا مقدمہ اہلیہ کی مدعیت میں درخشاں تھانےمیں درج کرلیا گیا ، مقدمہ قتل کی دفعات کے تحت  درج کیاگیا، گذشتہ روز ڈیفنس میں فائرنگ سے نجی ٹی وی کے اینکر سمیت دو افراد جاں بحق ہوگئے تھے۔

تفصیلات کے مطابق پولیس نے ڈیفنس فائرنگ کے واقعے کے دو مقدمات درخشاں تھانےمیں درج کرلئے ، ایس ایس پی ساؤتھ نے کہا نجی ٹی وی کے اینکر مرید عباس کے قتل کا مقدمہ اہلیہ کی مدعیت میں درج کرلیا گیا ہے ، مقدمہ قتل کی دفعات کے تحت درج کیاگیا جبکہ دوسرا مقدمہ عاطف زمان کا خود کشی کی کوشش کا درج کیاگیا۔

یاد رہے گذشتہ روز کراچی کے علاقے ڈیفنس خیابان بخاری میں فائرنگ کا واقعہ پیش آیا، واقعے میں نجی ٹی وی کے اینکر مرید عباس اور انکے دوست خضر پر عاطف زمان نامی شخص نے فائرنگ کی، فائرنگ سے خضر موقع پر ہی جاں بحق اور مرید عباس اسپتال جاتے ہوئے راستے میں دم توڑ گئے۔

پولیس کے مطابق قاتل عاطف زمان نے فائرنگ کے بعد خود کو بھی گولی مار لی، جسے تشویشناک حالت میں نجی اسپتال منتقل کیا گیا، واقعے کی تفتیش کی جارہی ہے۔

ابتدائی رپورٹ کے مطابق مرید عباس کوچارگولیاں ماری گئیں جو ان کے سینے، کمراور ہاتھ پر لگیں جبکہ خضرحیات کوتین گولیاں ماری گئیں، جواس کی کمر، سینے  اور ران پر لگیں،ایم ایل او جناح اسپتال نے بتایا خضراور مرید کوایک ہی ہتھیار سے قتل کیا گیا اور دونوں کی موت سینے پرگولیاں لگنے سے ہوئیں۔

جناح اسپتال کے ایم ایل او کا کہنا ہے کہ مقتولین کی وجہ موت سینے پر لگنے والی گولیاں تھیں، پوسٹ مارٹم کے بعد لاشوں کو نماز جنازہ کے لئے چھیپا سرد خانے منتقل کیا گیا اور نماز جنازہ کے بعد مرید عباس اور دوست کی میتوں کو آبائی علاقوں کے لئے روانہ کردیا گیا۔

مقتول مرید عباس کی اہلیہ نے اپنے بیان میں بتایا مرید عباس نے عاطف زمان کے ساتھ ٹائروں کے کاروبار میں سرمایہ کاری کی تھی۔

Comments

یہ بھی پڑھیں