کیلیفورنیا : ٹیکنالوجی کمپنی گوگل نے اینڈرائیڈ صارفین کی میسجز سے متعلق بڑی مشکل آسان کردی، اب صارفین اپنے پیغام کو ایڈٹ بھی کرسکیں گے۔
تفصیلات کے مطابق گوگل کی جانب سے اینڈرائیڈ صارفین کے لیے میسجز بھیجنے کے بعد ان میں ترمیم کا فیچر متعارف کرانے کی تیاری کی جارہی ہے، نئے فیچر میں دوستوں سے رابطے میں رہنا مزید آسان ہو جائے گا۔
اس حوالے سے گوگل نے خبردار کیا ہے کہ صارفین میسج بھیجنے کے 15 منٹ کے اندر اندر اپنے پیغام کے متن میں ترمیم کرسکیں گے۔
واضح رہے کہ گوگل کی جانب سے میسجز کو ایڈٹ کرنے کا یہ فیچر پہلی بار نہیں دیا جارہا بلکہ اس کے علاوہ انسٹنٹ ہاٹ اسپاٹ کا فیچر بھی متعارف کرایا جانے والا ہے جس کی مدد سے اینڈرائیڈ ٹیبلٹ یا کروم بک کو فون سے ایک ٹیپ پر جلدی سے جوڑا جا سکے گا۔
رپورٹ کے مطابق گوگل کے تحت ایک اور اپ ڈیٹ جاری کی جائے گی جس کو استعمال کرتے ہوئے صارفین گوگل میٹ کالز کے دوران فوری طور پر ڈیوائسز کو تبدیل کرسکیں گے۔
