معروف ٹینس کھلاڑی اینڈی مرے نے صنفی امتیاز پر مبنی سوال پر صحافی کو ٹوک کر اس کی تصحیح کر ڈالی۔
برطانیہ میں جاری گرینڈ سلیم ایونٹ ومبلڈن 2017 کے کوارٹر فائنل میں ٹینس کے صف اول کے برطانوی کھلاڑی اینڈی مرے کو امریکی کھلاڑی سیم کوئیری سے شکست کھانی پڑی۔
میچ کے بعد پریس کانفرنس میں ایک صحافی نے ان سے پوچھا کہ سیم کوئیری پہلے امریکی کھلاڑی ہیں جو کسی گرینڈ سلیم ایونٹ کے سیمی فائنل میں پہنچے ہیں، اس بارے میں مرے کا کیا خیال ہے؟
صحافی کے سوال کے دوران ہی اینڈی مرے نے ان کی بات کاٹ کر تصحیح کی، ’پہلے مرد کھلاڑی‘۔
ان کے ٹوکنے کے بعد صحافی نے تصحیح کرتے ہوئے دوبارہ اپنے سوال کو دہرایا۔
یاد رہے کہ امریکی کھلاڑی سرینا ولیمز خواتین ٹینس کھلاڑیوں میں صف اول کی کھلاڑی ہیں اور وہ سنہ 2009 سے اب تک 12 گرینڈ سلیم جیت چکی ہیں لیکن صحافی غالباً ان کی فتوحات کو بھول گیا۔
اینڈی مرے کے اس جواب کے بعد سرینا ولیمز نے ان کا شکریہ ادا کیا۔
ایک انٹرویو میں انہوں نے کہا، ’غالباً اس وقت کوئی بھی خاتون کھلاڑی ایسی نہیں ہونی چاہیئے جو اینڈی مرے کی حمایت نہ کرے‘۔
انہوں نے کہا کہ اینڈی مرے نے ہمیشہ سے ٹینس میں خواتین کے حقوق کی بات کی ہے اور یہی وجہ ہے کہ ہم سب ان سے محبت کرتے ہیں۔
This is amazing. Serena was confronted with THAT Andy’s answer. "I don’t think there is a female athelte who isn’t supportive of Murray” pic.twitter.com/oA2HwgZeRk
— José Morgado (@josemorgado) July 14, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
