The news is by your side.

Advertisement

منشیات بیرون ملک اسمگل کرنے کی بڑی کوشش ناکام، مسافر گرفتار

لاہور : ائیرپورٹ پر کسٹمز حکام نے کارروائی کرتے ہوئے بیرون ملک جانے والے مسافر سے 7 کلوگرام ہیروئن برآمد کرکے گرفتار کرلیا، ہیروئن کی مالیت عالمی منڈی میں 7کروڑ روپے تک بتائی جارہی ہے۔

تفصیلات کے مطابق کسٹمز حکام نے منشیات کی اسمگلنگ ناکام بنا دی، لاہورائیرپورٹ پر کسٹمز حکام نے کارروائی کرتے ہوئے قطرائیر لائن کے ذریعے بیرون ملک جانے والے مسافر محمد عثمان سے چیکنگ کے دوران 7 کلوگرام ہیروئن برآمد کر لی ہے۔

ذرائع کا کہنا ہے کہ ملزم محمد عثمان بیگ کے خفیہ جانے میں منشیات چھپا کر بیرون ملک لے جارہا تھا، کسٹمز حکام نے ملزم کو گرفتار کرکے مزید تفتیش کیلئے اے این ایف کے حوالے کر دیا۔

کسٹمز ذرائع کے مطابق ہیروئن کی مالیت عالمی منڈی میں 7کروڑ روپے تک بتائی جارہی ہے۔

دوسری جانب اینٹی نارکوٹکس فورس پنجاب نے وہاڑی میں 2 کارروائیوں میں اندرون ملک منشیات اسمگلنگ کی کوشش ناکام بناتے ہوئے 2ملزمان کو گرفتار کرلیا۔

اےاین ایف حکام کا کہنا تھا کہ وہاڑی میں مشکوک گاڑی سے بھاری مقدار میں منشیات برآمد کی جبکہ دوسری کارروائی میں گھر سے منشیات برآمد ہوئی، برآمد منشیات میں513کلوچرس اور168کلو ہیروئن شامل ہیں۔

Comments

یہ بھی پڑھیں