لاہور: علامہ اقبال انٹرنیشنل ایئرپورٹ پر اے این ایف نے لاکھوں مالیت کی منشیات اسمگل کرنے کی کوشش ناکام بناتے ہوئے ملزم کو گرفتارکرلیا۔
تفصیلات کےمطابق اینٹی نارکوٹکس فورس نے لاہور میں علامہ اقبال انٹرنیشنل ایئرپورٹ پر کارروائی کرتے ہوئے ملزم کو گرفتار کرکے منشیات برآمد کرلی۔
ترجمان اے این ایف کے مطابق جدہ جانے والے مسافر نسیم خان کے پاس سے لاکھوں روپے کی منشیات برآمد ہوئی ہے، ملزم کو گرفتار کرکے مقدمہ درج کرلیا گیا۔
اسلام آباد ایئرپورٹ پرگزشتہ ہفتے اے این ایف نے ابوظہبی جانے والے مسافر کے قبضے سے ایک کلو آئس ہیروئن برآمد کی تھی۔
ایئرپورٹ سیکیورٹی فورسز کے مطابق ملزم نے آئس ہیروئن چائے کے پیکٹ میں چھپا رکھی تھی، مسافر پروازای وائی 232 کے ذریعے ریاض سے براستہ ابوظہبی جا رہا تھا۔
اسلام آبادایئرپورٹ پراے ایس ایف کی کارروائی‘ ملزم گرفتار
یاد رہے کہ گزشتہ ماہ اسلام آباد ایئرپورٹ پر اے ایس ایف نے کارروائی کرتے ہوئے بحرین جانے والے مسافر سے منشیات برآمد کی تھی۔
ایئرپورٹ سیکیورٹی فورسز کے مطابق ملزم نعمان نے جسم کے ساتھ منشیات چھپا رکھی تھی، مسافر بحرین جا رہا تھا۔
