The news is by your side.

Advertisement

اے این ایف نے رانا ثنا اللہ کے خلاف مقدمہ درج کرلیا

لاہور: اینٹی نارکوٹکس فورس (اے این ایف) نے پاکستان مسلم لیگ ن کے رہنما اور سابق وزیر قانون پنجاب رانا ثنا اللہ کے خلاف مقدمہ درج کرلیا۔

تفصیلات کے مطابق مسلم لیگ ن کے رہنما رانا ثنا اللہ کے خلاف اے این ایف نے مقدمہ درج کرلیا، رکن قومی اسمبلی رانا ثنا اللہ کو آج عدالت میں پیش کیا جائے گا۔

ترجمان اینٹی نارکوٹکس فورس کے مطابق رانا ثنا اللہ کوموٹروے سے ریجنل ڈائریکٹوریٹ پنجاب نے حراست میں لیا مسلم لیگ ن کے رہنما کے ساتھ گاڑی سے بھاری مقدار میں منشیات برآمد ہوئی۔

ترجمان نے بتایا کہ مسلم لیگ ن کے رہنما رانا ثنا اللہ کے خلاف منشیات فروشوں سے تعلق کی تحقیقات جاری تھیں۔

اے این ایف ذرائع کے مطابق گزشتہ ماہ فیصل آباد کے قریب ایک خفیہ کارروائی کے دوران گاڑی سے بھاری مقدارمیں منشیات برآمد کی گئی تھی، گاڑی سے برآمد منشیات میں ہیروئن شامل تھی۔

اے این ایف ذرائع نے بتایا کہ منشیات اسمگلنگ کے الزام میں 2 افراد کوگرفتارکیا گیا تھا، دوران تفتیش انکشاف ہوا ملزمان کا تعلق رانا ثنااللہ سے ہے، ہیروئن اسمگلنگ کے کاروبارمیں خواتین کو بھی استعمال کیا جاتا رہا۔

اے این ایف نے رانا ثنا اللہ کو حراست میں لے لیا

یاد رہے کہ گزشتہ روز پاکستان مسلم لیگ ن کے رہنما اور سابق وزیر قانون پنجاب رانا ثنا اللہ کو اینٹی نارکوٹکس فورس (اے این ایف) نے حراست میں لیا تھا۔

Comments

یہ بھی پڑھیں