The news is by your side.

Advertisement

کراچی: اٹلی کے لیے بھیجے جانے والے پارسل سے 600 گرام ہیروئن بر آمد

کراچی: اینٹی نارکوٹکس فورس نے جناح انٹرنیشنل ایئر پورٹ پر دو الگ الگ کارروائیوں میں منشیات اسمگلنگ کی کوشش نا کام بنا دی۔

تفصیلات کے مطابق اے این ایف نے خفیہ اطلاع پر کارروائی کرتے ہوئے اٹلی کے لیے بھیجے جانے والے پارسل سے 600 گرام ہیروئن بر آمد کر لی۔

ترجمان اے این ایف کا کہنا ہے کہ ڈیڑھ کروڑ روپے مالیت کی ہیروئن پشاور سے بک کرائی گئی تھی، کارروائی خفیہ اطلاع پر کی گئی۔

دریں اثنا جناح انٹرنیشنل ایئر پورٹ پر ایک اور کارروائی میں اینٹی نارکوٹکس فورس نے کراچی سے جدہ اور دبئی جانے والے مسافر سے نشہ آور ادویات بر آمد کر لیں۔

ترجمان اے این ایف کے مطابق برآمد ادویات کا وزن 2.4 کلو گرام ہے، جس کی مالیت 50 لاکھ روپے سے زائد ہے۔

یہ بھی پڑھیں:  کراچی: اے این ایف کی کارروائی، 3 کلو آئس منشیات برآمد، ملزم گرفتار

یاد رہے 8 فروری کو اے این ایف نے کراچی کے علاقے سہراب گوٹھ میں کارروائی کرتے ہوئے تعلیمی اداروں میں آئس منشیات فروخت کرنے میں ملوث ملزم کو گرفتار کیا تھا، کارروائی میں ساڑھے تین کلو آئس برآمد کی گئی تھی۔

ملتان ایئر پورٹ پر بھی اے این ایف اور اے ایس ایف نے مشترکہ کارروائی کرتے ہوئے سعودی عرب جانے والے مسافر کو گرفتار کر کے 720 گرام آئس ہیروئن برآمد کی تھی۔

Comments

comments

یہ بھی پڑھیں