کراچی : اےاین ایف انٹیلیجنس نے کراچی بندرگاہ پر کارروائی کرتے ہوئے برطانیہ کے لئے بک کیے گئے سامان کے کنٹینرز سے 360 کلوگرام ہیروئن برآمد کرلی۔
تفصیلات کے مطابق کراچی بندرگاہ کے ساؤتھ ایشین پاکستان ٹرمینل پر کارروائی کی گئی ، کارروائی اےاین ایف انٹیلیجنس اوراےاین ایف پورٹ کنٹرول یونٹ نے کی۔
کارروائی کے دوران برطانیہ کےلئےبک کیےگئےسامان کےکنٹینرزسے360کلوگرام ہیروئن برآمد کرلی ، خفیہ اطلاع ملنے پر اے این ایف کےعملے نے کنٹینر قبضے میں لے کرتلاشی لی۔
ترجمان اےاین ایف نے بتایا کہ کنٹینرمیں موجودسامان کامعائنہ کیاگیا تو دوران تلاشی1200سینیٹری پائپس مشکوک پائےگئے، آپریشن کے دوران ہر پائپ سے 300گرام ہیروئن برآمد ہوئی۔
ترجمان کے مطابق پائپس سےمجموعی طورپر360کلوگرام ہیروئن برآمد کی گئی، کنٹینر کراچی کی ایک کمپنی کے ذریعے شمالی آئرلینڈ برطانیہ بھجوایا جارہا تھا۔
اے این ایف کا کہنا ہے کہ مرکزی ملزم کی گرفتاری کےلیےٹیمیں تشکیل دے دی گئی ہیں۔
