جرمنی: جرمن چانسلر انجیلامرکل نے داعش کیخلاف جنگ کیلئے مزید فوجی امداد کی امریکی درخواست کو مسترد کردیا۔
جرمن میڈیا کے مطابق جرمن چانسلر انجیلا مرکل کا مزید فوج بھیجنے کی امریکی درخواست کو مسترد کرتے ہوئے کہنا تھا کہ جرمنی اپنے حصے کا کام کررہا ہے۔
اس سے قبل امریکی سیکرٹری دفاع ایش کارٹر نے جرمنی سے داعش کے خلاف جنگ میں مزید فوج کیلئے خط میں درخواست کی تھی۔
جرمن وزارت دفاع کے ترجمان کا خط کی تصدیق کرتے ہوئے کہنا تھا کہ امریکہ نے خط میں کوئی مخصوص مدد کی درخواست نہیں کی، داعش کے خلاف جرمنی کے چھ جنگی ہوائی جہاز،ایک بحری جہاز اور ایک ہزار سے زائد فوج حصہ لے رہی ہے۔
جرمنی فرانس کی درخواست پر جنگ میں شامل ہوا تھا.