The news is by your side.

Advertisement

جرمن چانسلر انجیلا مرکل دنیا کی بااثر ترین خاتون قرار

نیویارک/برلن : ورلڈ اکنامک فورم کے سالانہ عالمی مسابقتی انڈیکس نے رواں برس دنیا کی 10 بااثر خواتین کی فہرست جاری کی ہے جس میں جرمن چانسلر انجیلا مرکیل نے 9ویں سال بھی دنیا کی طاقتور ترین خاتون ہونے کا اعزاز حاصل کرلیا۔

اکنامک، آرٹس، ثقافت، سائنس وٹیکنالوجی سمیت متعدد شعبوں کی فہرست مرتب کرنے والے ادارے ورلڈ اکنامک فورم کے سالانہ عالمی مسابقتی انڈیکس نے دنیا بھر کی 10 طاقتور اوربااثر خواتین کی فہرست جاری کی ہے تاہم اس فہرست میں کوئی بھی ایشیائی خاتون شامل نہیں ہوسکی۔

دی ورلڈ انڈیکس کے مطابق جرمن چانسلر انجیلا مرکل رواں برس دنیا کی سب سے بااثر خاتون قرار پائی ہیں۔

ورلڈ انڈیکس کے مطابق کرسٹین میڈیلین آڈیٹ لیگارڈ فرانسیسی سیاست دان اور وکیل ہیں، جو نومبر 2019 سے یورپین سینٹرل بینک کی صدر کی حیثیت خدمات انجام دے رہی ہیں وہ اس فہرست میں دوسرے نمبر پر براجمان ہیں۔

جنوری 2019 میں امریکی ایوان نمائندگان کی اسپیکر منتخب ہونے والی نینسی پلوسی دنیا کی تیسری بااثر ترین خاتون قرار پائی ہیں جو امریکی سیاست دان اور ڈیموکریٹک پارٹی کی رکن ہیں۔

یورسیولا وون ڈیر لین جرمن سیاستدان ہیں اور یکم دسمبر 2019 سے یورپین کمیشن کی صدر کی حیثیت سے ذمہ داریاں نبھارہی ہیں، وہ اس فہرست میں چوتھے نمبر پر براجمان ہیں جبکہ میری ٹیریسا بارا جنرل موٹرز کمپنی کی چیئرپرسن اور سی ای او ہیں جو دنیا کی پانچویں بااثر ترین خاتون ہیں۔

ورلڈ انڈیکس کے مطابق بل گیٹس کی اہلیہ میلنڈا این گیٹس سماجی کارکن اور مائیکروسافٹ کی سابق جنرل مینجر رہ چکی ہیں۔ انہیں فہرست میں دنیا کی 6 بااثر ترین خاتون کا درجہ دیا گیا ہے جبکہ امریکی بزنس وومن ایبی گیل جانسن کو دنیا کی ساتویں بااثر خاتون ہیں۔

اسپین سے تعلق رکھنے والی اینا پیٹریشیا بوٹن پیشے کے اعتبار سے بینکر ہیں، وہ 10 ستمبر 2014 کو اسٹینڈرڈ گروپ کی ایگزیکٹیو چیئرمین منتخب ہوئی تھیں، اینا دنیا کی آٹھویں بااثر خاتون ہیں۔

گینی رومیٹی امریکن بزنس ایگزیکٹیو ہیں اور اس وقت آئی بی ایم کی صدر، چیئرپرسن اور سی ای او کے فرائض انجام دے رہی ہیں، وہ اس کمپنی کی پہلی خاتون سربراہ اور دنیا کی نویں بااثر خاتون ہیں۔

ورلڈ اکنامک فورم کے سالانہ عالمی مسابقتی انڈیکس کی فہرست میں امریکا سے تعلق رکھنے والی میری لین ایڈمز ہیوسن، لاک ہیڈ مارٹن کی چیئروومن، سربراہ اور چیف ایگزیکٹیو آفیسر دسویں نمبر پر ہیں۔

Comments

یہ بھی پڑھیں