The news is by your side.

انجلینا نے دورۂ پاکستان کے بعد اپنا تجربہ اور تصاویر شیئر کر دیں

عالمی شہرت یافتہ ہالی وڈ اداکارہ اور اقوام متحدہ کی خصوصی سفیر انجلینا جولی نے دورۂ پاکستان مکمل کرنے کے بعد اپنا تجربہ اور تصاویر شیئر کر دیں۔

انجلینا جولی نے انسٹا گرام پر تصاویر شیئر کرتے ہوئے لکھا: ’گزشتہ ہفتے میں نے پاکستان میں مقامی تنظیموں کے ساتھ سیلاب سے متاثرہ علاقوں کا دورہ کیا، پاکستان کی 33 فیصد زمین زیرِ آب آ چکی ہے‘۔

اداکارہ نے لکھا کہ سیلاب سے اب تک 3 کروڑ 30 لاکھ لوگ متاثر ہوچکے اور 6 کروڑ کو ہنگامی بنیاد پر انسانی امداد کی ضرورت ہے۔ پاکستان تقریباً دس لاکھ سے زائد افغان مہاجرین کی میزبانی کر رہا ہے اور موجودہ صورتِ حال میں وہ بحفاظت اپنے وطن واپس نہیں جا سکتے۔

مزید پڑھیں: پاک فوج کو عوام کی مدد کرتے اور زندگیاں بچاتے دیکھا، انجلینا جولی

 

View this post on Instagram

 

A post shared by Angelina Jolie (@angelinajolie)

انہوں نے دنیا کو خبردار کیا کہ پاکستان میں سیلاب کی موجودہ صورتِ حال کا جائزہ لیں اور آب و ہوا کی تباہی سے آگاہ رہیں۔

انجلینا جولیا نے لکھا: ’حکومتوں کو یہ سمجھنے کی ضرورت ہے کہ منصفانہ تجارت کے فقدان، بڑھتے ہوئے اخراج اور تنازعات کو حل کرنے میں ناکامی سے دنیا بھر میں لاکھوں موت ہو رہی ہیں‘۔

Comments

یہ بھی پڑھیں