ایشیاکپ میں ناقص کارکردگی، اینجلو میتھوز کو کپتانی سے ہٹادیا گیا: AsiaCUP
The news is by your side.

Advertisement

ایشیاکپ میں ناقص کارکردگی، اینجلو میتھوز کو کپتانی سے ہٹادیا گیا

کولمبو: ایشیاکپ میں ناقص کارکردگی دکھانے پر سری لنکن کرکٹ بورڈ نے اینجلو میتھوز کو کپتانی سے ہٹادیا۔

تفصیلات کے مطابق دبئی میں کھیلے جانے والے ایشیاکپ 2018 میں سری لنکن کرکٹ ٹیم اچھی کارکردگی کا مظاہرہ نہیں کرپائی جس کے باعث اینجلو میتھوز کو کپتانی سے ہٹایا گیا۔

سری لنکن کرکٹ بورڈ کے مطابق اینجلومیتھوز کو کپتانی سے ہٹانے کے بعد دنیش چندی مل تینوں فارمیٹ میں سری لنکن ٹیم کے کپتان ہوں گے۔

سری لنکا اور انگلینڈ کے درمیان اگلے ماہ اہم سیریز بھی ہونے جارہی ہے، جس میں پانچ ایک روزہ میچز، ایک ٹی ٹوئنٹی اور تین ٹیسٹ میچز کھیلے جائیں گے۔

ایشیا کپ 2018 کا بڑا اَپ سیٹ، افغانستان نے سری لنکا کو ٹورنامنٹ سے باہر کر دیا

خیال رہے 18 ستمبر کو ایشیا کپ 2018 کا بڑا اَپ سیٹ کرتے ہوئے افغانستان نے سری لنکا کو 91 رنز سے شکست دے دی تھی، جس کے بعد پانچ مرتبہ چیمپئن رہنے والا سری لنکا ایشیا کپ سے باہر ہوگیا۔

اس سے قبل بنگلہ دیش کے ہاتھوں بھی سری لنکا کو سخت ہزیمت اٹھانی پڑی جب اس نے بنگال ٹائیگرز کے سامنے 137 رنز سے شکست کھائی۔

واضح رہے کہ اس اہم ایونٹ میں سری لنکن ٹیم کی نہ بیٹنگ اچھی رہی اور نہ ہی بالنگ میں بہتر کارکردگی کا مظاہرہ سامنے آیا، جس کے باعث ٹیم میگا ایونٹ سے باہر ہوگئی۔

Comments

comments

یہ بھی پڑھیں