The news is by your side.

Advertisement

غصے سے بھرا زرافہ سیاحوں کی گاڑی کا پیچھا کرنے لگا

کینیا میں غصے سے بھرا ایک زرافہ سیاحوں کو دشمن سمجھ کر ان کا پیچھا کرنے لگا، خوفزدہ سیاح زرافے کو دیکھ کر تیز رفتاری سے گاڑی بھگاتے رہے۔

افریقی ملک کینیا کا یہ گیم ریزرو زرافوں سے بھرا ہوا ہے جہاں یہ واقعہ پیش آیا، ڈکن نامی 27 سالہ سیاح اپنے چند دوستوں کے ساتھ زرافوں کو دیکھ کر اور تصاویر بنا کر وہاں سے باہر نکل رہے تھے جب ایک زرافے کو انہوں نے اپنے پیچھے آتے دیکھا۔

وہ نہایت تیز رفتاری سے بھاگتے ہوئے ان کا پیچھا کرنے لگا جس کے بعد سیاحوں نے بھی گاڑی بھگانی شروع کردی۔

ڈکن کا کہنا تھا کہ اس کے غصے سے لگ رہا تھا کہ شاید وہ انہیں اپنا دشمن سمجھا۔ ایک جگہ پر زرافے نے ان کا راستہ بھی روکا جس کے بعد انہوں نے ریورس میں گاڑی کو دوڑایا۔

کافی دیر پیچھا کرنے کے بعد بالآخر زرافے کا غصہ ٹھنڈا ہوا اور اس نے سیاحوں کی جان چھوڑ کر اپنی راہ لی۔

سیاحوں کا کہنا تھا کہ ابتدا میں انہیں وہ زرافہ نہایت بے ضرر لگا تاہم جب وہ ان کا پیچھا کرنے لگا تو نہایت خطرناک بن گیا، ان کے مطابق یہ ان کی زندگی کا ایک خوفناک مگر یادگار ایڈونچر تھا۔

Comments

یہ بھی پڑھیں